Knill (Landkreis Cuxhoben)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Knill
Laag vun Knill in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27637
Vörwahl: 04741
Geograafsche Laag:
Koordinaten:53° 46′ N, 8° 37′ O
53° 46′ N, 8° 37′ O

Knill (hoochdüütsch Knill) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers to dat Steenauer Veerdel von dat Kaspel Spiek to un is vondaag binnen de Gemeen Deel von de Oortschop Noordholt.

De Oort deelt sik in Nedderknill (in’n Noorden) un Böverknill (in’n Süden).

Geografie[ännern | Bornkood ännern]

Knill liggt op’n Rand von de Geest von de Hoge Lieth na de Masch von Land Wusten. Dat Water flütt af över den Wallsgroov, de in’n Westen von’n Oort langsgeiht.

De Naveröörd sünd Noordholt in’n Noorden, Wusterheid in’n Noordoosten, Wanhöden in’n Oosten, Scharnst in’n Süüdoosten, Hartingspecken, Northum un Millm in’n Süden, de Spieker Südermarren, Spiek un Steenau in’n Süüdwesten un de Spieker Noordermarren un Dieksenn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Vaagdiegericht Land Wusten tohöört un denn von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort is as Deel von de Gemeen Spiek an’n 1. März 1974 mit de Gemeenreform in Neddersassen an de Gemeen Noordholt kamen. To’n 1. Januar 2015 is de Gemeen Noordholt oplööst un Deel von de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1824-00-001824[1] 21 Füürsteden
1871-12-011. Dezember 1871[2] 152 Lüüd. 28 Hüüs

Religion[ännern | Bornkood ännern]

De Karkhoff

Knill is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

De Oort hett en egen Karkhoff.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Knill op’n Karkhoff.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Knill löppt de Kreisstraat 14, de in’n Oosten de Landsstraat 135 krüüzt un na Wanhöden geiht un in’n Süüdwesten na Spiek. In’n Noordwesten geiht de K 74 na Dieksenn un an de K 68 ran. De L 135 löppt in’n Noorden na Olenwoold un Cuxhoben un in’n Süden över Millm, Holsseln, Sievern un Langen na Bremerhoben. En lüttjere Straat geiht na dat Zentrum von Noordholt.

De nächste Autobahn is de Autobahn 27 (Afsnidd BremerhobenCuxhoben). De Opfohrt 3 Noordholt liggt so fiev Kilometer in’n Süüdoosten von Knill an de K 14.

De nächste Bahnhoff is so bi dree Kilometer wied weg in’n Noordoosten de Bahnhoff Noordholt an de Bahnlien Bremerhoben–Cuxhoben.

Footnoten[ännern | Bornkood ännern]

  1. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 336
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154

Weblenken[ännern | Bornkood ännern]

Commons-logo.svg Knill (Landkreis Cuxhoben). Mehr Biller, Videos oder Audiodateien to’t Thema gifft dat bi Wikimedia Commons.