Scharnst

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Scharnst
Laag vun Scharnst in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27637
Vörwahl: 04741
Geograafsche Laag:
Koordinaten:53° 45′ N, 8° 37′ O
53° 45′ N, 8° 37′ O

Scharnst (hoochdüütsch Scharnstedt) is en Dörp in de Gemeen Wuster Noordseeküst in’n Landkreis Cuxhoben, Neddersassen. Dat höört binnen de Gemeen to de Oortschop Noordholt.

Geografie[ännern | Bornkood ännern]

Scharnst liggt an’n Rand von de Masch na de Geest von de Hoge Lieth hen. In’n Noordoosten doot de Flegerplatz Noordholt-Spiek un de Flegerhorst Noordholt liggen. Dat Water flütt af över den Scharnster Beek hen na’n Wallsgroov.

De Naveröörd sünd Wusterheid in’n Noorden, Wanhöden in’n Oosten, Millm in’n Süden, Cappel in’n Süüdwesten, Spiek in’n Westen un Knill in’n Noordwesten.

Historie[ännern | Bornkood ännern]

Scharnst kummt 1203 as Scarnstede toeerst in en Oorkunn von’n Abt von dat Paulsklooster in Bremen, Sigebodo, vör, de den Teegd in Godendörp an en Fro Willa ut Scharnst geven hett. 1256 hebbt de Wusters den Eddelseet in Scharnst angrepen un slepen.

Von 1880 af an hett Georg Elbrecht ut Bremen in Scharnst Fischtucht bedreven un dor ünner annern Forellen tücht. 1908 hett Wilhelm Holzapfel de Fischdieken köfft. Vondaag warrt de Dieken nich mehr för de Fischtucht bruukt un de Natur hett sik de Dieken trügghaalt. De Dieken sünd vondaag en Statschoon an’n Olen Postweg.

Verwaltungsgeschicht[ännern | Bornkood ännern]

De Oort weer vör 1852 in’t Kaspel Millm von dat Vaagdiegericht Land Wusten. Von 1852 bet 1885 leeg Scharnst in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

Bet to’n 1. März 1974 hett de Oort polietsch noch bi Millm mit bihöört. Mit de Gemeenreform in Neddersassen an dissen Dag is de Oort aver an de Gemeen Noordholt wesselt. To’n 1. Januar 2015 is de Gemeen Noordholt oplööst un Deel von de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1793-00-001793[1] 4 Füürsteden
1812-00-001812[2] 11
1824-00-001824[3] 3 Füürsteden
1848-00-001848[4] 59 Lüüd. 11 Hüüs*
1871-12-011. Dezember 1871[5] 20 Lüüd. 3 Hüüs
* tohoop mit Northum

Religion[ännern | Bornkood ännern]

Scharnst is evangeelsch-luthersch präägt un höört to dat Kaspel von de Pankratiuskark in Millm.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Infrastruktur[ännern | Bornkood ännern]

Verkehr[ännern | Bornkood ännern]

Scharnst liggt an de Landsstraat 135, wat fröher de Bundsstraat 6 weer. De L 135 löppt in’n Noorden över Wusterheid na Olenwoold un Cuxhoben un in’n Süden över Millm un Sievern na Langen un Bremerhoben. De nächste Opfohrt is de Opfohrt 3 Noordholt op de Autobahn 27 (Afsnidd CuxhobenBremerhoben) so bi fiev Kilometer in’n Oosten an de Kreisstraat 14.

De nächste Bahnhoff is de Bahnhoff Noordholt an de Bahnlien Bremen-Cuxhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 201
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 524
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153