Pompdamm

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Wuster Noordseeküst
Inwahners:
Postleettall:	27637
Vörwahl:	04741
Geograafsche Laag:	53° 47′ N, 8° 34′ O

Pompdamm (hoochdüütsch Pompdamm) is en Hoff in de Gemeen Wuster Noordseeküst in’n Landkreis Cuxhoben, Neddersassen. Dat höört to den Oort Spieker Neefeld mit to.

Geografie

Pompdamm liggt in dat Neefeld von Land Wusten. De Hauptdiek liggt so bi 400 Meter un de Küst von de Noordsee üm un bi een Kilometer wied weg in’n Noordwesten. An’n Hoff löppt de Spieker Waterlöös langs, över de dat Water ut dat Rebeed afföhrt warrt.

Pompdamm is Deel von’n Oort Spieker Neefeld. De annern Hööv sünd Halvmaand in’n Noorden, Schöönoort in’n Noordoosten un Langenhoff un Liether Hoff in’n Süüdwesten. De Öörd ümto sünd Berensch un Ox in’n Noordoosten, Noordholt in’n Oosten, Dieksenn, Spieker Olendiek un Spiek in’n Süüdoosten un Cappeler Neefeld in’n Süüdwesten.

Historie

De Hoff Pompdamm is grünnt worrn, nadem dat Neefeld 1636 nee indiekt worrn is.

1706 hett de Oberamtmann von dat Amt Arzen, Jobst Heinrich Voigt, de Vörwarken Pompdamm, Schöönoort un Halvmaand köfft. Nadem Voigt sien Söhn Otto Ludwig Voigt 1736 ok doodbleven is, hebbt de Arven den Hoff denn wedder verköfft. Köper weer de Domänenkamer Hannover. Dormit is Pompdamm en Domanialhoff worrn.

Vondaag höört de Hoff de Familie Blendermann to.

Verwaltungsgeschicht

In de Franzosentied von 1810 bet 1814 hett de Oort to de Mairie Spiek in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett von 1739 bet 1819 to dat Amt Noordholt tohöört, denn bet 1852 to dat Vaagdiegericht Land Wusten un von 1852 bet 1885 to dat Amt Dorum. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

An’n 1. Juli 1968 hebbt sik de Gemenen Cappeler Neefeld, Spiek un Spieker Neefeld to een Gemeen tohoopslaten, de mit de Gemeenreform in Neddersassen an’n 1. März 1974 denn Deel von de Gemeen Noordholt worrn is.

To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn. Dat Rebeed von de vörherige Gemeen Noordholt billt nu de polietsche Oortschop Noordholt binnen de Gemeen Wuster Noordseeküst.

Inwahnertall

Johr	Inwahners
1791-00-001791	1 Füürsteed
1824-00-001824	1 Füürsteed
1848-00-001848	10 Lüüd, 1 Huus
1871-12-011. Dezember 1871	17 Lüüd, 1 Huus

Religion

Pompdamm is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur

Verkehr

Pompdamm liggt an de Kreisstraat 73, de von Spieker Neefeld in’n Süüdoosten na Spieker Olendiek an de K 68 ran geiht. De K 68 geiht in’n Süüdwesten na Spiek un in’n Oosten na Noordholt un is dor an de Landsstraat 135 anslaten.

De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt so teihn Kilometer in’n Süüdoosten von Pompdamm an de K 14.

De nächste Bahnhoff is so bi fiev Kilometer wied weg in’n Oosten de Bahnhoff Noordholt an de Bahnlien Bremerhoben–Cuxhoben.