Berensch

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Berensch
Laag vun Berensch in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners:
Postleettall: 27476
Vörwahl: 04723
Geograafsche Laag:
Koordinaten:53° 49′ N, 8° 35′ O
53° 49′ N, 8° 35′ O

Luftbild von Berensch (2012)

Berensch is en Oort in de Gemeen Cuxhoben in’n Landkreis Cuxhoben, Neddersassen. De Oort billt binnen Cuxhoben tohoop mit Arensch de Oortschop Berensch-Arensch.

Geografie[ännern | Bornkood ännern]

Berensch liggt op de Geest glieks an de ole Kant von de Noordsee. Dör dat Winnen von Neeland liggt de Oort nu aver meist twee Kilometer von de Noordsee un den Natschonalpark Neddersassisch Waddensee af. In’n Oosten liggt de Cuxhobener Küstenheid.

Dat Ekenkrattholt bi Berensch is as Naturschuulrebeed schuult.

De Naveröörd sünd Arensch in’n Noordwesten, Spangen un Holt in’n Noordoosten, Olenwoold un Franzenborg in’n Oosten, Ox in’n Süüdoosten un Spieker Neefeld in’n Süüdwesten.

Historie[ännern | Bornkood ännern]

De Oort kummt 1311 toeerst in de Oorkunnen vör, as Werner von Beers de Kark in Olenwoold Hüüs in Berensch schenkt. Berensch höört von öllers to Hadeln, de Grenz na Wusten is de Oxter Beek in’n Süden von Berensch.

1394 is Berensch tohoop mit Stickenbüttel, Duhnen, Döös, Sahlenborg, Steenmarn un Ritzbüttel an Hamborg verköfft worrn. Nadem 1586 in’n Buxthuder Rezess de Grenz twischen dat Amt Ritzbüttel un Wusten fastleggt worrn is, hebbt se 1589 bi Berensch en Schedelsteen opstellt, de disse Grenz kennteken schull.

Berensch hett sik 1873 mit Arensch to een Gemeen tohoopdaan un de Gemeen Berensch-Arensch billt.

1930 hett dat Elbe-Weser Radio en Funkstell bi Berensch inricht. Disse Anlaag is denn von 1949 af an ok as Posterholungsheim bruukt worrn.

In’n Eersten Weltkrieg sünd negen Soldaten ut Berensch fullen oder vermisst, un in’n Tweten 15[1].

Berensch hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von’n Kreis Land Hadeln worrn. An’n 1. Februar 1971 is Berensch denn Deel von de Gemeen Cuxhoben worrn.

Berensch weer jümmer en relativ arm Dörp. De Oort liggt op Heidgrund, de för de Bueree nich recht döggt. Togang to de See harr de Oort ok nich, denn in dat Wadd vör Berensch hett dat keen Siel geven, dat Scheep oder Bööd na de See henkamen kunnen. Un denn keem dor noch to, dat de Oort ok ans ganz von Verkehr af leeg un fröher bloot över Sandpadden mit de Butenwelt verbunnen weer. Ok von’n Tourismus, de sik bi Cuxhoben utwickelt hett, hett Berensch nix afkregen, denn en Strand gifft dat ok nich.

Inwahnertall[ännern | Bornkood ännern]

Johr Inwahners
1847-00-001847[2] 125
1866-12-033. Dezember 1866[3] 190
1871-12-011. Dezember 1871[4] 169

Religion[ännern | Bornkood ännern]

Berensch is evangeelsch-luthersch präägt un höört to dat Kaspel Olenwoold.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Kultur[ännern | Bornkood ännern]

In Berensch steiht ok en Denkmaal för de Fullenen ut de twee Weltkrieg’.

Infrastruktur[ännern | Bornkood ännern]

Verkehr[ännern | Bornkood ännern]

Berensch liggt an de Kreisstraat 7, de von Süüdoosten von Ox her kummt un in’n Noordoosten na Spangen löppt. Ans gifft dat noch lüttjere Straten na Spiek-Neefeld in’n Süüdwesten un na Arensch in’n Noordwesten.

De nächste Bahnhoff is de Bahnhoff Noordholt an de Bahnlien Bremen-Cuxhoben.

Scholen[ännern | Bornkood ännern]

Dat eerste Schoolhuus hett Berensch 1660 kregen. De egen Volksschool hett 1969 denn dichtmaakt.

Footnoten[ännern | Bornkood ännern]

  1. http://www.denkmalprojekt.org/dkm_deutschland/cuxhaven-berensch_ns.htm
  2. Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 189: http://books.google.de/books?id=sHoAAAAAcAAJ&pg=PA189
  3. Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
  4. Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ