Nee-Öös
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27432 | |
| Vörwahl: | 04766 | |
| Geograafsche Laag: | Koordinaten:53° 27′ N, 9° 1′ O53° 27′ N, 9° 1′ O | |
|
| ||
Nee-Öös (hoochdüütsch Neu-Oese) is en Deel von dat Dörp Öös in de Gemeen Basdaal (Samtgemeen Geestborn) in’n Landkreis Rodenborg, Neddersassen.
Geografie
[ännern | Bornkood ännern]De Oort liggt in’n Oosten von de Wersermünner Geest, nich wied af von dat Düvelsmoor. Dat Water ut dat Rebeed flütt över lüttjere Beken na’n Fohrendörper Kanaal hen af.
De Naveröörd sünd Barchel un Poggmöhlen in’n Noordoosten, Öös in’n Süden, Basdaal in’n Süüdwesten un Kluust in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett fröher to dat Patrimonialgericht Öös höört, dat later in dat Gericht Beverst opgahn is. 1851 is ut dat Gericht Beverst dat Amt Beverst billt worrn. Aver al 1852 is Nee-Öös denn in dat Amt Bremervöör wesselt. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.
De Gemeen Öös, to de Nee-Öös al jümmer tohöört hett, is 1929 oplööst un mit de Gemeen Basdaal tohoopleggt worrn. To’n 1. Oktober 1949 is de Oort aver wedder en egenstännige Gemeen worrn.[1] Dat hett denn bet to’n 1. März 1974 duurt, bet mit de Gemeenreform in Neddersassen de Gemeen Öös wedder Deel von de Gemeen Basdaal worrn is.
Inwahnertall
[ännern | Bornkood ännern]| Johr | Inwahners |
|---|---|
| 1812[2] | 23 |
| 1824[3] | 7 Füürsteden |
| 1848[4] | 37 Lüüd, 7 Hüüs |
| 1. Dezember 1885[5] | 73 Lüüd, 15 Hüüs |
| 1. Dezember 1905[6] | 12 Lüüd, 2 Hüüs |
Religion
[ännern | Bornkood ännern]Nee-Öös is evangeelsch-luthersch präägt un höört to dat Kaspel von de Christophorus-Kark in Öös.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
[ännern | Bornkood ännern]För Nee-Öös is de freewillige Füürwehr Öös mit tostännig.
Verkehr
[ännern | Bornkood ännern]Von Nee-Öös löppt na Noordwesten de Kreisstraat 138, de in Kluust in de Bundsstraat 71/74 münnt. De beiden Bundsstraten loopt in’n Noordoosten tohoop na Bremervöör. In Basdaal deelt se sik aver op un de B 71 löppt in’n Westen över Beverst na Bremerhoben un de B 74 in’n Süüdwesten över Gnarrenborg un Oosterholt-Scharmbeek na Bremen-Noord. De twee annern Straten von Nee-Öös ut loopt in’n Noordoosten över Poggmöhlen na Barchel un in’n Süden na Öös un Oosterweed.
De nächste Autobahn is de Autobahn 27 (Afsnidd Bremen–Bremerhoben). De Opfohrt 9 Wulsdörp liggt so 30 Kilometer in’n Westen von Nee-Öös an de B 71. Von 1909 bet 1978 hett dat ok op de Bahnlien Bremervöör–Oosterholt Personenverkehr geven. De Bahnhoff Basdaal an düsse Bahnlien weer weniger as een Kilometer wied weg weer.
De nächste Bahnhoff is de Bahnhoff Örel an de Bahnlien Bremerhoben–Buxthu, de so bi söven Kilometer in’n Noorden liggt.
Scholen
[ännern | Bornkood ännern]De Kinner ut Nee-Öös gaht na Grundschool op de Hermann-von-Issendörp-School in Basdaal. Na de 4. Klass wesselt se för de Oberschool op de School Geestborn in Örel oder op dat Gymnasium Bremervöör.
Literatur
[ännern | Bornkood ännern]- Martin Blanken, Diedrich Hildebrandt: Basdahl mit Kluste, Oese, Poggemühlen und Volkmarst: die Geschichte der Dörfer, der Höfe und ihrer Familien. Volksbank Gnarrenborg, 1984
Footnoten
[ännern | Bornkood ännern]- ↑ Neues Archiv für Niedersachsen. Band 3, W. Dorn, 1949, Sied 871
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 458
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 187
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 23