Klinten (Landkreis Stood)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21734 | |
| Vörwahl: | 04779 | |
| Geograafsche Laag: | Koordinaten:53° 48′ N, 9° 13′ O53° 48′ N, 9° 13′ O | |
|
| ||
Klinten (hoochdüütsch Klinten) is en lütten Oort in de Gemeen Öderquart (Samtgemeen Noordkeden) in’n Landkreis Stood, Neddersassen.
Geografie
[ännern | Bornkood ännern]De Oort liggt in de Masch von Keden. Dat Water ut dat Rebeed warrt över dat Wischhobener Slüsenfleet afföhrt, dat in’n Süden von Klinten langslöppt.
De Naveröörd sünd Wechtern un Kamp in’n Noorden, Öderquart in’n Oosten, Kaidiek in’n Süden, Gehrener Sietwenn un de Seeweg in’n Süüdwesten un Hogenlucht un Wetterdiek in’n Westen.
Historie
[ännern | Bornkood ännern]Klinten weer een von de dree Buurschoppen, ut de dat Kaspel Öderquart bestünn. Dor hebbt blangen Klinten sülvs aver ok noch en poor annere Öörd mit bihöört.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Öderquart in’n Kanton Freeborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.
Inwahnertall
[ännern | Bornkood ännern]Buurschop Klinten:
| Johr | Inwahners |
|---|---|
| 1791[1] | 108 Füürsteden |
| 1812[2] | 681 |
| 1824[3] | 101 Füürsteden |
| 1848[4] | 667 Lüüd, 114 Hüüs |
| 1. Dezember 1871[5] | 639 Lüüd, 113 Hüüs* |
- * Buurschop mit Brook, Kaidiek un Brookhoff. Ahn de dree (aver mit Öderquart-Westerenn): 385 Lüüd, 64 Hüüs
Religion
[ännern | Bornkood ännern]Klinten is evangeelsch-luthersch präägt un höört to dat Kaspel von de Johannis-Kark in Öderquart.
För de Kathoolschen is de Hillig-Geist-Kark in Stood tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]De Klintweg, de dör Klinten löppt, geiht an de Landsstraat 113 ran, de in’n Süüdwesten na Öberndörp geiht un in’n Noordoosten na Öderquart un Freeborg. In’n Westen geiht von de L 113 de Kreisstraat 10 af över Süderdiek na Balje un in’n Noorden de K 9 na Wechtern un Krummendiek.
De nächsten Autobahnen sünd de Autobahn 26 (Afsnidd Stood–Hamborg) un de Autobahn 27 (Afsnidd Cuxhoben–Bremerhoben). De Opfohrt 3 Stood-Oost op de A 26 liggt so 39 Kilometer in’n Süüdoosten von Klinten an de L 111 un de Opfohrt 1 Cuxhoben op de A 27 üm un bi 41 Kilometer in’n Westen an de B 73.
De nächste Bahnhoff is so bi twölv Kilometer wied weg in’n Süüdwesten de Bahnhoff Wingst an de Nedderelvbahn von Cuxhoben na Hamborg.
Scholen
[ännern | Bornkood ännern]Bet 2014 güngen de Kinner ut’n Oort op de Grundschool Öderquart. Nadem de School dichtmaakt hett, mööt de Kinner nu op de Grundschool Freeborg gahn oder köönt op Wunsch von de Öllern ok op de Grundschool Wischhoben oder Grundschool Balje gahn. Nadem se mit de Grundschool trech sünd, gaht de Kinner op de Oberschool Noordkeden oder op dat Vincent-Lübeck-Gymnasium in Stood. Se dröfft aver ok op dat Detlefsengymnasium in Glückstadt oder dat Gymnasium Warstood gahn.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 128
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 64
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 334
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 137