Hogenblöcken
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21706 | |
| Vörwahl: | 04143 | |
| Geograafsche Laag: | Koordinaten:53° 42′ N, 9° 24′ O53° 42′ N, 9° 24′ O | |
|
| ||
Hogenblöcken (hoochdüütsch Hohenblöcken) is en Hoff in de Gemeen Drochters in’n Landkreis Stood, Neddersassen.
Geografie[ännern | Bornkood ännern]
De Oort liggt in de Masch von de Nedderelv in Keden.
De Naveröörd sünd Gauensiek in’n Noorden, Ritsch in’n Oosten, Aßlermoor in’n Süüdoosten, Ritschermoor in’n Süden, Drochtersermoor un Aschhoornermoor in’n Süüdwesten, Aschhoorn in’n Westen un Drochters in’n Noordwesten.
Historie[ännern | Bornkood ännern]
Johann von Lixfeld, de von Good Sotterbach stammen dee, is in dat 17. Johrhunnert dör sien Kriegsdeenst in dat Arzstift Bremen kamen un hett sien Seet op Hogenblöcken nahmen, dat von de Tied an as Eddelgood gellen dee.[1] Von de Familie von Lixfeld is dat Good dör Arvgang an Johann von Plate un denn an Johann von der Beck fullen. De hett dat Good 1747 an Johann Schmoldt verköfft. Na Johann Schmoldt sien Dood 1769 hett siene Weetfro dat Good an Christian Schmoldt ut Oosten verköfft.[2]
Later (bet in dat 20. Johrhunnert) weer de Familie Rusch Besitter. Vondaag höört dat fröhere Good de Familie Wrage to.
Dat Haupthuus von’n Hoff is as Bodenkmaal schuult.
Verwaltungsgeschicht[ännern | Bornkood ännern]
De Oort hett vör 1852 to dat Kaspelsgericht Drochters von dat Grevengericht Bützfleet tohöört un denn von 1852 bet 1859 to dat Amt Wischhoben. Von 1859 bet 1885 weer dat in dat Amt Freeborg un na 1885 in’n Kreis Keden. 1932 is dat Deel von’n Kreis Stood worrn.
De Oort weer Deel von de Buurschop Gauensiek un later de Gemeen Drochters. Düsse Gemeen is an’n 1. Juli 1972 mit de Gemeenreform in Neddersassen düüdlich grötter worrn.
Inwahnertall[ännern | Bornkood ännern]
| Johr | Inwahners |
|---|---|
| 1791[3] | 1 Füürsteed |
| 1824[4] | 1 Füürsteed |
| 1. Dezember 1871[5] | 16 Lüüd, 1 Huus |
| 1. Dezember 1905[6] | 12 Lüüd, 1 Huus |
Religion[ännern | Bornkood ännern]
Hogenblöcken is evangeelsch-luthersch präägt un höört to dat Kaspel von de Johannis- un Katharinen-Kark in Drochters.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Von Hogenblöcken loopt lüttjere Straten na de Landsstraat 111 un na de Kreisstraat 28. De L 111 föhrt in’n Noordwesten över Drochters un Wischhoben na Freeborg un in’n Süüdoosten över Aßel un Bützfleet na Stood. De K 28 geiht na Ritschermoor.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 19 Kilometer in’n Süüdoosten von Hogenblöcken an de L 111.
De nächste Bahnhoff is so bi twölv Kilometer wied weg in’n Süden de Bahnhoff Hammoh an de Nedderelvbahn von Cuxhoben na Hamborg.
Footnoten[ännern | Bornkood ännern]
- ↑ Luneberg Mushard: Bremisch- und Verdischer Ritter-Sahl oder Denckmahl der hoch-adelichen Geschlechter, insonderheit der Ritterschaft in denen Hertzogthümern Bremen und Verden. Grimm, Bremen 1720, Sied 373
- ↑ Johann Hinrich Pratje: Vermischte historische Sammlungen. Verlag des Vaterländischen Vereins, 1844, Sied 169
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 108
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 284
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 136
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 93