Ax
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 10,7 km² | |
| Inwahners: | 1263 (31. Dezember 2022) | |
| Hööchd: | 15 m över de See | |
| Postleettall: | 27729 | |
| Vörwahl: | 04748 | |
| Geograafsche Laag: | Koordinaten:53° 21′ N, 8° 46′ O53° 21′ N, 8° 46′ O | |
| Grenzen bi OSM: | 904552 
| |
| Gemeenslötel: | 03 3 52 020 | |
| Öörd in de Gemeen: | 2 | |
| Börgermeester: | Udo Mester (SPD) | |
| Websteed: | www.hambergen.de | |
|
Koort Kreis 
 | ||
Ax (hoochdüütsch Axstedt) is en Dörp un Gemeen in de Samtgemeen Hambargen in’n Landkreis Oosterholt, Neddersassen mit 1263 Inwahners (Stand 31. Dezember 2022). To de Gemeen höört ok de Oort Wohlthöben mit to.
Geografie
[ännern | Bornkood ännern]Ax liggt ganz in’n Noorden von’n Landkreis Oosterholt an de Grenz na’n Landkreis Cuxhoben op de Geest (Wersermünner Geest). Dör de Gemeen flütt de Billerbeek, de later in de Luun afflütt.
De Naveröörd sünd Bokel in’n Noorden, Bruunshusen un Ollendörp in’n Noordoosten, Lübbs in’n Süüdoosten, Wohlthöben, Ohlenst un Biloh in’n Süden, Harndorp in’n Westen un Loh in’n Noordwesten.
De Navergemenen sünd Holste in’n Oosten un Lübbs in’n Süüdoosten. In’n Landkreis Cuxhoben sünd dat de Gemeen Hagen in’n Westen un Noorden un op en lütt Enn in’n Noordoosten de Gemeen Beverst.
Historie
[ännern | Bornkood ännern]An Funnen ut de Vörgeschicht gifft dat de Hünensteen von Ax, de in’n Noordwesten von dat Dörp liggen doot.
Ax kummt 1105 as Achenstedi dat eerste Maal in de Oorkunnen vör.
Verwaltungsgeschicht
[ännern | Bornkood ännern]Vör 1885 hett Ax to de Böörd Braamst in dat Amt Hagen tohöört. 1885 is dat Deel von’n Kreis Geestmünn worrn un hett na 1932 to’n Kreis Wersermünn tohöört.
In de Midd von dat 20. Johrhunnert is denn ok de vörher egenstännige Gemeen Wohlthöben Deel von de Gemeen Ax worrn. Von’n 1. Januar 1970 bet 28. Februar 1974 weer Ax Maat von de Samtgemeen Hagen.
An’n 1. März 1974 is Ax bi de Gemeenreform in Neddersassen von’n Landkreis Wersermünn to’n Landkreis Oosterholt wesselt un dor denn Deel von de Samtgemeen Hambargen worrn.
In de Johren 1930 hebbt se de 520 Hektar grote Muna Lübbs twüschen Ax, Lübbs un Biloh boot, dat denn na’n Krieg ok noch wieder bedreven worrn is. Dör de Anlaag is dat Dörp denn ok düchtig wussen.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 37 Füürsteden |
| 1848[2] | 240 Lüüd, 42 Hüüs |
| 1. Dezember 1910[3] | 257 |
| 1925[4] | 338 |
| 1933[4] | 354 |
| 1939[4] | 398 |
| 31. Dezember 2010 | 1.114 |
Religion
[ännern | Bornkood ännern]Ax is evangeelsch-luthersch präägt un höört to dat Kaspel von de Jacobikark in Braamst.
För de Kathoolschen is de Hillige-Familie-Kark in Oosterholt-Scharmbeek tostännig.
Wapen
[ännern | Bornkood ännern]Dat Wapen wiest op grönen Grund de twee Höörn von en Hartbuck in Sülver, dor en gollen Ekenbladd mang un ünnen en sülvern Wellenbalken. De Wellenbalken steiht för de Billerbeek un dat Ekenbladd för den Forst bi Ax.
Politik
[ännern | Bornkood ännern]Gemeenraat
[ännern | Bornkood ännern]| CDU | SPD | UKA | |
|---|---|---|---|
| 2011 | 5 | 5 | 1 |
(Stand: Kommunalwahl vun’n 11. September 2011)
Börgermeesters
[ännern | Bornkood ännern]| Zeit | Börgermeester | Partei |
|---|---|---|
| -2011 | Jürgen Rhau | CDU |
| 2011- | Udo Mester | SPD |
Kultur
[ännern | Bornkood ännern]Verenen
[ännern | Bornkood ännern]De Schützenvereen Ax is 1952 grünnt worrn.
Weertschop un Infrastruktur
[ännern | Bornkood ännern]De Freewillige Füürwehr Ax is 1902 grünnt worrn.
Verkehr
[ännern | Bornkood ännern]Ax liggt an de Kreisstraat 38, de in’n Noordwesten na Loh un dor in’n Landkreis Cuxhoben as K 43 wieder na Loherholt an de Landsstraat 134 ran löppt. In’n Süden geiht de K 38 bi Wohlthöben an de K 39 ran, de denn wedder in’n Oosten bi Lübbs an de L 128 löppt un in’n Westen na Albst. De K 40 löppt in’n Westen na Harndorp. Ans gifft dat noch en lüttjere Straat na Olendörp.
De nächste Bahnhoff is de Bahnhoff Lübbs an de Bahnlien Bremen-Cuxhoben, de in Wohlthöben glieks achter de Gemeengrenz liggt. De Bahnhoff hett 1863 apenmaakt.
Scholen
[ännern | Bornkood ännern]Ax hett en egen Kinnergoorn un mit de Grundschool an’n Billerbeek en Grundschool.
Lüüd
[ännern | Bornkood ännern]De Waterboinschenör Reinhard Woltman is 1757 in Ax boren.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 30: http://books.google.de/books?id=tG0AAAAAcAAJ&pg=PA30
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
Weblenken
[ännern | Bornkood ännern]
- Websteed von de Samtgemeen (plattdüütsch, hoochdüütsch)
- Websteed to dat Dörp (hoochdüütsch)
Ax | Grasbarg | Hambargen | Holste | Leendaal | Lübbs | Oosterholt-Scharmbeek | Hu’e | Swonewebel | Vollerso | Worpsweed