Freiborg (Elv)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 34,11 km² | |
| Inwahners: | 1830 (31. Dezember 2022) | |
| Hööchd: | 5 m ünner de See | |
| Postleettall: | 21729 | |
| Vörwahl: | 04779 | |
| Geograafsche Laag: | Koordinaten:53° 49′ N, 9° 17′ O53° 49′ N, 9° 17′ O | |
| Grenzen bi OSM: | 446465 
| |
| Gemeenslötel: | 03 3 59 018 | |
| Öörd in de Gemeen: | 1 | |
| Börgermeester: | Herwart von der Decken (CDU) | |
| Websteed: | www.nordkehdingen.de | |
|
Koort Kreis 
 | ||
_COA.svg)
Freiborg is een Gemeen (Flecken) in de Samtgemeen Noordkeden in’n Landkreis Stood. De Gemeen hett 1830 Inwahners (Stand 31. Dezember 2022).
Bi dat Kaspel un de Gemeen Freiborg höört von öllers ok en Reeg annere Öörd mit to. Dat sünd: Allwöörden, Allwöördenerdiek, Hollerdiek, Hünerhörn, Langenhoff, Rutensteen, Esch, Kortenenn, Laak, Neensteden, Schöneworth un Wegföhrels.
Geografie
[ännern | Bornkood ännern]Geograafsche Laag
[ännern | Bornkood ännern]Freiborg liggt an de Westkant vun de Elv, so wat bi Stroomkilometer 685. In den Landkreis Stood ist de Flecken ganz in’n Noorden. De nöögst gröttere Oort is Glückstadt up de annere Sied vun de Elv in Sleswig-Holsteen.
De Navergemenen sünd Wischhoben un Öderquart in’n Süden un Krummendiek in’n Westen. Op dat annere Över von de Elv in Sleswig-Holsteen doot in’n Noorden de Gemeen Brokdörp un in’n Oosten de Gemeen Wewelsfleth liggen.
Historie
[ännern | Bornkood ännern]Freeborg kummt 1154 as Friburg toeerst in de Oorkunnen vör.
De Oort weer vör 1885 Deel von dat Amt Freeborg un weer denn in’n Kreis Keden. 1932 is dat an’n Landkreis Stood kamen.
Von 1852 bet 1973 hett dat in’n Oort dat Amtsgericht Freeborg geven. In dat Gebüüd von dat Amtsgericht is 1994 dat Raadhuus von de Gemeen intagen.
2015 hebbt de Gemeenrääd in de Samtgemeen Noordkeden beslaten, dat se as Eenheitsgemeen tohoopgahn wüllt. Dat schull to’n 1. Januar 2017 passeren.[1] Dör en Börgerentscheid in de Gemeen Wischhoben an’n 29. November 2015 hebbt sik de Börgers von Wischhoben mit 68 % gegen de Eenheitsgemeen utspraken. Dormit weren de Plaans to Fall brocht un de Samtgemeen blifft bestahn.[2]
Inwahnertall
[ännern | Bornkood ännern]| Johr | Inwahners |
|---|---|
| 1890[3] | 2.278 |
| 1. Dezember 1910[4] | 2.325 |
| 1933[3] | 2.236 |
| 1939[3] | 2.430 |
Religion
[ännern | Bornkood ännern]_-St._Wulphardi_Kirche.jpg)
Freiborg is evangeelsch-luthersch präägt un billt mit de Wulphardi-Kark en egen Kaspel.
För de Kathoolschen is de Hillig-Geist-Kark in Stood tostännig.
Politik
[ännern | Bornkood ännern]Gemeenderoot
[ännern | Bornkood ännern]De Gemeenderoot hett siet de letzte Wohl 2006 ölven Rootsmitgleder.
| Johr | CDU | SPD |
|---|---|---|
| 2006 | 7 | 4 |
| 2011[5] | 7 | 4 |
Börgermeester
[ännern | Bornkood ännern]- -1945: Franz Rehling
- 1947-1972: Franz Rehling
- 9. November 1972-9. November 2006: Günther Schild (CDU)
- 9. November 2006-2011: Walter Wolfkühler (CDU)
- 2011-Enn 2014: Detlef Hammann (CDU)
- Februar 2015–: Herwart von der Decken (CDU)
Wapen
[ännern | Bornkood ännern]Dat Wapen in Root wiest ene Muer mit dree sülverne Toorns, wovun de in de Mitt en Lock ut dree Kreisbogens heet, dat kantig infoot is. De Muer hett in de mitt en Door ut twee gulden sloten Flögels. Baven sünd twee krüüzde Slötels, dorbi wiest de Boorten no ünnen.
Ehrenbörgers
[ännern | Bornkood ännern]Ehrenbörgers von Freiborg sünd:
- 1972: Franz Rehling
Kultur
[ännern | Bornkood ännern].jpg)
In Freiborg warrt jümmer an’n tweten Advent bi’n Koornspieker Wiehnachtsmarkt fiert.
Weertschop un Infrastruktur
[ännern | Bornkood ännern]Freiborg gellt na dat Regionale Ruumordnungsprogramm as Grundzentrum för de Öörd in de Ümgegend.
In Freiborg gifft dat mehrstendeels de Bueree, besüüners för Aaft. Veel Lüüd arbeidt in Stood, Cuxhoben, Bremerhoben un Hamborg. Bi de Bedrieven is en Bootswarft beropen, de Börtebööd för Helgoland boot.
De Volksbank Keden hett in Freiborg in de Straat Ne’ensteden 20 en Filiaal un de Kreisspoorkass Stood in de Hauptstraat 42.
Verkehr
[ännern | Bornkood ännern]In’n Süüden vun Freiborg, bi Wischhoben fangt de B 495 an, wat en wichtig Verbinnen in den Süüdwesten is. Na Stood un na Cuxhoben sünd de Landsstroot 111 un lüttjere Kreisstroten. Vun Wischhoben föhrt de Elvfähr Glückstadt–Wischhoben för Lüüd un för Autos na Glückstadt.
In fröhere Tieden geev dat ene Smallspooriesenbohn vun Stood över Freiborg no Itzwöörn, de in’n Johr 1936 stilllegt un afbot wurrn is.
De Düütsche Fährstraat löppt dörch dat Dörp. De Freiborger Haven is up de Tiden anwiest un warrt mehrstentieds vun Watersportbööd brukt.
Scholen
[ännern | Bornkood ännern]In Freeborg gifft dat de Grundschool Freeborg, de Oberschool Noordkeden un de Astrid-Lindgren-School as Förderschool.
Literatur
[ännern | Bornkood ännern]- Freiburg / Elbe 1154-1979. Stood 1979
Footnoten
[ännern | Bornkood ännern]- ↑ Fusion auf den Weg gebracht, Stader Tageblatt an’n 22. Juli 2015
- ↑ Einheitsgemeinde ist gekippt, Stader Tageblatt an’n 30. November 2015
- ↑ a b c http://www.verwaltungsgeschichte.de/stade.html
- ↑ http://www.gemeindeverzeichnis.de/gem1900/gem1900.htm?hannover/kehdingen.htm
- ↑ http://www.nordkehdingen.de/uploads/Freiburg.pdf
Weblenken
[ännern | Bornkood ännern]
- Websteed von de Samtgemeen Noordkeden (hoochdüütsch)
Balje | Bargst | Beekdörp | Bliersdörp | Brest | Burweg | Buxthu | Deinst | Dollern | Drochters | Düünbeudel | Engelschopp | Esdörp | Freenbeek | Freiborg | Gauderhandviddel | Gothenborg | Greundiek | Grootweurn | Hammoh | Harsfeld | Heinbockel | Himmelpoorten | Hornborg | Hullern-Twielenfleth | Jörk | Kronenborg | Krummendiek | Kutenhult | Mittelskark | Neekark | Nottensdörp | Obbens | Oederquart | Ohlers | Olendörp | Sounsiek | Steenkark | Stood | Wischhoben