Egenbossel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27374 | |
| Vörwahl: | 04237 | |
| Geograafsche Laag: | Koordinaten:52° 57′ N, 9° 28′ O52° 57′ N, 9° 28′ O | |
|
| ||
Egenbossel (hoochdüütsch Egenbostel) is en lütten Oort in de Gemeen Visselhöövd in’n Landkreis Rodenborg, Neddersassen. Binnen de Gemeen Visselhöövd höört de Oort to de polietsche Oortschop Bleckwedel.
Geografie[ännern | Bornkood ännern]
Dat Water ut dat Rebeed flütt över Egenbosseler Moorgraven un Bleckwedeler Graven na de Lehrde hen af.
De Naveröörd sünd Sankt Pauli in’n Noorden, de Hoff Tadel, Dreßel un Jeddingen in’n Noordoosten, Bleckwedel un Wehnsen in’n Oosten, Stellich un Königshoff in’n Süüdoosten, Lehrden in’n Süden, Groten Heinz in’n Süüdwesten, Lüttjen Heinz in’n Westen un Bennbössel un Schepinkel in’n Noordwesten.
Historie[ännern | Bornkood ännern]
Egenbossel kummt 1296 toeerst in en Oorkunn von’n Veerner Bischop Konrad I. vör.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Stellich in’n Kanton Wasra höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Kreis Bremervöör to’n ne’en un grötteren Landkreis Rodenborg tohoopgahn is.
De Oort hett von öllers bi de Buurschop un later de Gemeen Bleckwedel mit tohöört. De Gemeen Bleckwedel is an’n 1. März 1974 mit de Gemeenreform in Neddersassen Deel von de Gemeen Visselhöövd worrn un billt binnen de Gemeen nu de Oortschop Bleckwedel.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 2 Füürsteden |
| 1812[2] | 20 |
| 1824[3] | 3 Füürsteden |
| 1848[4] | 24 Lüüd, 4 Hüüs |
| 1. Dezember 1871[5] | 25 Lüüd, 4 Hüüs |
| 1. Dezember 1885[6] | 20 Lüüd, 4 Hüüs |
| 1. Dezember 1905[7] | 36 Lüüd, 4 Hüüs |
Religion[ännern | Bornkood ännern]
Egenbossel is evangeelsch-luthersch präägt un höört to dat Kaspel von de Johannis-Kark in Visselhöövd.
De Doden ut Egenbossel warrt op’n Karkhoff Bleckwedel begraven, de siet 1921 besteiht. Vörher sünd de Lüüd bi de Kark in Visselhöövd begraven worrn.
För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.
Weertschop un Infrastruktur[ännern | Bornkood ännern]
För Egenbossel is de freewillige Füürwehr Jeddingen mit tostännig.
Verkehr[ännern | Bornkood ännern]
Dör Egenbossel löppt de Kreisstraat 240, de in’n Noorden bi Sankt Pauli in de Landsstraat 171 münnt un in’n Süden na Lehrden föhrt. De L 171 geiht in’n Süüdwesten na Kerklinneln un Veern un in’n Noordoosten över Jeddingen na Visselhöövd an de Bundsstraat 440 un na Neenkerken. Von de K 240 geiht na Noordoosten de K 228 af, de na Bleckwedel un Jeddingen föhrt.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so 13 Kilometer in’n Süüdwesten von Egenbossel an de L 171.
De nächste Bahnhoff is so bi negen Kilometer wied weg in’n Noordoosten de Bahnhoff Visselhöövd an de Bahnlien Ülzen–Langwedel. De Bahnlien is 1873 anleggt worrn. Bet 1987 hett dat ok an’n Bahnhoff Bennbössel noch Personenverkehr geven, de blots dree Kilometer wied weg weer.
Scholen[ännern | Bornkood ännern]
De Kinner ut Egenbossel gaht op de Grundschool Jeddingen. Fröher güngen se op de Volksschool Bleckwedel, de 1848 grünnt worrn is. Disse School stünn twüschen de beiden Öörd.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 63
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 115
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 156
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 153
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150