Böcken
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27612 | |
| Vörwahl: | 04703 | |
| Geograafsche Laag: | Koordinaten:53° 30′ N, 8° 43′ O53° 30′ N, 8° 43′ O | |
|
| ||
Böcken (hoochdüütsch Böcken) is en Hoff in de Gemeen Lox in’n Landkreis Cuxhoben, Neddersassen.
Geografie
[ännern | Bornkood ännern]De Hoff liggt op’n Geestrand an de Rohr.
De Naveröörd sünd Sellst in’n Noordoosten, Wehdel in’n Oosten, Donnern in’n Süden, Bexhöv in’n Süüdwesten un Hosermöhlen un Junkernhoos in’n Westen.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to’n Bezirk von dat Arvgericht Beverst in dat Gericht Beverst tohöört un denn von 1851 bet 1859 to dat Amt Beverst. 1859 is dat Amt Beverst oplööst worrn un de Oort keem an dat Amt Leh. Na 1885 weer dat in’n Kreis Geestmünn, is 1932 Deel von’n Kreis Wersermünn worrn un 1977 von’n Landkreis Cuxhoben.
De Hoff höört polietsch siet dat 19. Johrhunnert bi Donnern mit bi. De Oort is an’n 1. März 1974 as Deel von de Gemeen Donnern mit de Gemeenreform in Neddersassen an de Gemeen Lox kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1812[2] | 6 |
| 1824[3] | 1 Füürsteed |
| 1848[4] | 11 Lüüd, 1 Huus |
| 1. Dezember 1871[5] | 11 Lüüd, 1 Huus |
Religion
[ännern | Bornkood ännern]Böcken is evangeelsch-luthersch präägt un höört to dat Kaspel von de Johannes-de-Döper-Kark in Bexhöv. Bet 1887 hett de Oort to dat Kaspel von de Fabian-un-Sebastian-Kark in Beverst höört.
För de Kathoolschen is de St.-Johannes-de-Döper-Kark in Lox tostännig, de siet 1. November 2006 to de Karkengemeen Hillig Hart Jesu in Geestmünn höört. De Kark in Lox is 1966 wieht worrn. Vörher weer von 1911 bet 1959 de Hillig-Hart-Jesu-Kark in Geestmünn un von 1959 bet 1966 de St.-Nikolaus-Kark in Wulsdörp för dat Rebeed tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Böcken langs löppt de Landsstraat 143, de in’n Noordoosten na Sellst, Wehdel un Geestenseth geiht un in’n Süüdwesten över Donnern un Bexhöv na Lox un Ness. In Sellst geiht von de L 143 na Noordwesten de Kreisstraat 58 na Schippdörp un Bremerhoben af. In Bexhöv warrt de L 143 von de Bundsstraat 71 krüüzt, de ünner annern na Beverst föhrt.
De nächste Autobahn is de Autobahn 27 (Afsnidd Bremen–Cuxhoben). De Opfohrt 8 Geestmünn liggt so acht Kilometer in’n Noordwesten von Böcken an de Poristraat un de Opfohrt 9 Wulsdörp acht Kilometer in’n Süüdwesten an de B 71.
De nächste Bahnhoff is so bi een Kilometer wied weg in’n Noorden de Bahnhoff Sellst an de Bahnlien Buxthu–Bremerhoben.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 28
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 68
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
