Ferdinand (Maand)
Ferdinand is en lütten Maand vun den Planeten Uranus un de Maand de an’n wietsten weg is vun’n Uranus. Sien vörlöpig Beteken weer S/2001 U 2.
Opdecken un Naam[ännern | Bornkood ännern]
De Maand Ferdinand is 2003 vun de Astronomen Matthew J. Holman, John J. Kavelaars, Dan Milisavljevic un Brett J. Gladman op fotografsche Biller opdeckt worrn, de al an’n 13. August 2001 maakt weern.
De Uranus-Maanden hebbt all Naams kregen, de vun Figuren ut Warken vun Wiliiam Shakespeare oder Alexander Pope afleidt sünd. In dissen Fall is de Naam Ferdinand wählt worrn, de König vun Neapel ut Shakespeares Stück The Tempest. De vörlöpig Beteken S/2001 U 2 is na dat System vun de Internatschonale Astronoomsche Union (IAU) tostannen kamen.
Ümloopbahn[ännern | Bornkood ännern]
Ferdinand lööpt in 2887 Daag un 5 Stünnen eenmol üm den Uranus rüm un hett dorbi en middlern Afstand vun 20.901.000 km. De Bahn hett en Exzentrizität vun 0,3682 un wiekt dormit düchtig vun en Kreis af. Gegen den Äquater vun’n Uranus is de Bahn üm 169,840° kippt, dat heet, de Maand kreist gegen den Dreihsinn vun Uranus (retrograd).
Opbo un Egenschoppen[ännern | Bornkood ännern]
De Maand hett en Dörmeter vun ruch weg 12 km. Sien middlere Dicht liggt bi 1,5 g/cm³. Dat ist düütlich weniger as de Dicht vun de Eer, wat dorop henwiest, dat Francisco tomehrst ut Wateries besteiht. De Swoorversnellen bedriggt an de Bavenflach ungefähr 0,0025 m/s². Dat is man jüst 0,03% vun den Weert op de Eer. De Albedo vun den Maand is mit 0,04 ok bannig lütt – blots 4% vun da infallende Sünnlicht warrt wedder afstrahlt, wat Ferdinand to en teemlich düsteren Himmelskörper maken deit. En Atmosphäär hett de Maand nich.
Ariel | Belinda | Bianca | Caliban | Cordelia | Cressida | Cupid | Desdemona | Ferdinand | Francisco | Juliet | Mab | Margaret | Miranda | Oberon | Ophelia | Perdita | Portia | Prospero | Puck | Rosalind | Setebos | Stephano | Sycorax | Titania | Trinculo | Umbriel
Kiek ok na bi: List vun de Uranusmaanden