Ariel (Maand)

Vun Wikipedia
Wesseln na: Navigatschoon, Söök
De Uranusmaand Ariel vun Voyager 2 opnahmen.

Ariel (ok Uranus I) is en vun de fief groten Uranusmaanden. He weer an’n 24. Oktober 1851 vun William Lassel opdeckt. As de anneren fröh opdeckten Uranusmaanden (Titania, Oberon un Umbriel) weer he vun John Herschel, den Söhn vun Wilhelm Herschel, na Figuren vun William Shakespeare oder Alexander Pope nöömt. In dissen Fall weer de Maand na en Sylph nöömt ut Popes Kummedie The Rape of the Lock (dt.: Der Raub der Locke).

Ümloopbahn[ännern | Bornkood ännern]

De Bahn vun Ariel hett en Exzentrizität vun ungefähr 0,0012 un is dormit so goot as kreisrund. Gegen den Äquater vun’n Uranus is de Bahn üm ruchweg 0,041° kippt. Vun den Planeten hett de Maand en middleren Afstand vun 190.900 km. Üm eenmol üm Uranus rümtolopen bruukt Ariel üm un bi 2 Daag, 12 Stünnen un 29 Minuuten


Opbo un physikaalsch Egenschoppen[ännern | Bornkood ännern]

Ariel hett en unregelmatig Form mit de Afmeten 1162,2 × 1155,8 × 1155,4 km. De Maand hett en middlere Dicht vun 1,7 g/cm³. De Albedo is 0,39 – 39% vun dat infallende Sünnlicht warrt wedder vun de Böverflach afstrahlt. Ut disse Saken weer afleidt, dat Ariel to 50% ut Wateries], to 30% ut Silikatstenen un to 20% ut Kohlenstoffverbinnen as t. B. Methan besteiht.

De Temperatur an de Böverflach liggt bi ungefähr -193°C. De Maan roteert in 2 Daag, 12 Stünnen un 29 Minuuten eenmol üm sien egen Ass un hett dormit also en bunnen Rotatschoon as de meisten Maanden.

An Ariel is in’n Januar 1986 de Ruumsond Voyager 2 vörbi flagen un dorbi fotografeert un vermeten worrn. De Böverflach wiest gröttere Rebeden op, woneem blots wenig Impaktkraters to sehn sünd. To sehn sünd ok en Nettwark vun Canyons un Versmeten. Eenige vun de Iesflachen schient ok noch teemlich nee to wesen, wat tohopen dorop hindüdt, dat in de Vergangenheit düchtig geologsch Aktivitäten togang wesen sünd.