Belinda (Maand)

Vun Wikipedia
Wesseln na: Navigatschoon, Söök
De Uranus-Maand Belinda, opnahmen 1986 vun de Ruumsond Voyager 2.

Belinda (ok Uranus XIV) is en vun de lütten Maanden vun den Planet Uranus.

Naam[ännern | Bornkood ännern]

De Maand is 1986 op Biller vun de US-amerikaansche Ruumsond Voyager 2 opdeckt worrn. Toeerst kreeg he vun de IAU de offizielle Beteken S/1986 U5. Later eerst hett he den hüütigen Naam Belinda kregen. As all de annern Maanden vun Uranus, so is ok dat en Figur ut dat Wark vun William Shakespeare oder vun Alexander Pope – disse Traditschoon grünnt op de Naams, de John Herschel, de Söhn vun den Uranus-Opdecker Wilhelm Herschel för de eersten Maanden vun Uranus vörslahn hett. In dissen Fall kummt de Naam ut Popes Kummedie The Rape of the Lock (dt.: Der Raub der Locke)

Ümloopbahn[ännern | Bornkood ännern]

Belinda kreist üm den Uranus in en’n middleren Afstand vun 72.255 km un bruukt dorvör ungefäähr 15 Stünnen. De Bahn hett en Exzentrizität vun 0,00011 un is dormit meist kerisrund. Gegen den Äquater vun’n Uranus is de Maandbahn blots üm 0,03° kippt.

Egenschoppen[ännern | Bornkood ännern]

Belinda is noch nich goot utforscht, dorüm weet de Wetenschopplers ok noch nich all to veel över den Maand. De middlere Dörmeter vun Belinda liggt bi 81 km, man an sik is de Maand nich schöön rund sondern sütt ut as en Ei un mitt 128 × 64 km. De middlere Dicht is üm un bi 1,3 g/cm³, wat düdlich weniger is as bi de Eer. Belinda hett en teemlich lütte Albedo vun 0,07. Dat hett, dat de Maand blots 7 % vun dat infallend Licht wedder torüchstrahlen deit. Belinda tellt dormit to de düsteren Himmelskörpers. An de Bavenflach wiest Belinda en Sworversnellen vun 0,014 m/s² op – also ungefäähr en Promille vun dat, wat wi op de Eer hebbt.