Perdita (Maand)

Vun Wikipedia

Perdita is en vun de lütten Maanden vun’n Uranus. De vörlöpig Beteken weer S/1986 U 10.

Opdecken[ännern | Bornkood ännern]

De Maand Perdita is 1999 vun Erich Karkoschka op en fotografisch Opnahm opdeckt worrn, de al 1986 vun de Ruumsond Voyager 2 maakt worrn weer. De is to de Tiet an’n Uranus vörbiflagen. Man, dat geev keen annere Opnahmen, de den Maand ok nawiesen kunnen, Dorüm is de Opdecken toeerst nich acht worrn. 2003 hett aver dat Hubble-Teleskop en Objekt an de Steed funnen, woneem sik na vörlöpig Bereken de Maand Perdita ophollen müss.

Sien Naam Perdita hett nu de vörlöpig Beteken S/1986 U 10, de vun de Internatschonale Astronoomsche Union (IAU) toeerst geven weer, aflöst. De Naam is, as bi all anneren Uranus-Maanden, en Figur vun William Shakespeare oder vun Alexander Pope.

Ümloopbahn[ännern | Bornkood ännern]

Perdita löpt in en middleren Afstand vun ungefäähr 76.400 km op en fast kreisrunde Bahn üm den Uranus un bruukt dorvör 16 Stünnen un 31 Minuuten. De Bahn is mit 0,03° ok blots en lütt beten gegen den Äquater vun’n Uranus kippt.

Egenschopp un Opbo[ännern | Bornkood ännern]

De Maand het en Dörmeter vun ungefäähr 80 km. He hett en dörsnittlich Dicht vun 1,5 g/cm³, wat düdlich weniger is as de Dicht vun de Eer. Worhschienlich kummt dat vorvun, dat Perdita to’n gröttsten Deel ut Wateries besteiht. An de Bavenflach is de Sworversnellen 0,016 m/s² groot. Dat is man blots 0,2 % vun dat, wat wi op de Eer kennt.

De Albedo vun Perdita is mit 0,07 teemlich lütt. Dat heet, dat 7 % vun dat opdrapend Licht wedder afstrahlt warrt. Dorüm is de Maand teemlich düster. De Temperatur an de Bavenflach liggt in Dörsnitt bi ca. -184°C.