Cupid (Maand)

Vun Wikipedia
Wesseln na: Navigatschoon, Söök

Cupid (ok: Uranus XXVI oder S/2003 U 2) betekent in de Astronomie en vun de lütten Maanden vun den Planeten Uranus. Cupid is en vun de inneren Maanden, över den aver ok noch nich ganz veel künnig is. De Uranus-Maanden hebbt all Naams vun Figuren ut dat Wark von William Shakespeare oder Alexander Pope; Cupid is en vun de Figuren ut Shakespeares Tragödie Timon of Athens (dt.: „Timon von Athen“).

Opdecken[ännern | Bornkood ännern]

De Maand is an’n 25. August 2003 vun de Astronomen Mark R. Showalter un Jack J. Lissauer mit Help vun dat Hubble-Teleskop opdeckt worrn un weer dormit de tweete Maand in’t Sünnsystem, wat dormit opdeckt weer. He hett toeerst de vörlöpig Beteken S/2003 U 2 kregen.

Ümlopbahn[ännern | Bornkood ännern]

Cupid kreist in ungefähr 14 Stünnen un 50 Minuuten eenmol üm Uranus. Dorbi hett he en middler’n Afstand vun 74.800 km. De Maandbahn hett is so goot as kreisrund un liggt ungefähr in de Äquatereven vun’n Uranus. Nipp un nau is dat aver noch nich bestimmt.

Opbo[ännern | Bornkood ännern]

De Dörmeter vun den Maand liggt in’n Dörsnitt bi ungefähr 12 km. Man geiht vun en middlere Dicht vun 1,3 g/cm³ ut as bi de meisten anneren Uranusmaanden. Dat liggt düüdlich ünner de vun de Eer. De Wetenschopplers gaht dorvun ut, dat de Maand to’n gröttsten Deel ut Wateries besteiht. De Bavenflach vun Cupid is teemlich düster mit en Albedo vun 0,07. Dat heet, dat 7 % vun dat Licht, dat op den Maand ankummt, wedder afstrahlt warrt. De middlere Temperatur an de Bavenflach warrt op -184°C schätzt. Dor warkt en Sworversnellen vun 0,0031 m/s², wat üm un bi 0,02 % vun de Eer is.