Tarmstermoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Tarmstermoor
Laag vun Tarmstermoor in Düütschland
Basisdaten
Bundsland: Neddersassen
Landkreis: Oosterholt
Gemeen: Grasbarg
Inwahners:
Postleettall: 28879
Vörwahl: 04283
Geograafsche Laag:
Koordinaten:53° 13′ N, 9° 2′ O
53° 13′ N, 9° 2′ O

Tarmstermoor (hoochdüütsch Tarmstedtermoor) is en lütten Oort in de Gemeen Grasbarg in’n Landkreis Oosterholt, Neddersassen.

Geografie[ännern | Bornkood ännern]

De Oort liggt an’n Oostrand von dat Düvelsmoor. Dat Water ut dat Rebeed flütt över Gravens na de Wörp hen af. De Geestkant liggt en beten mehr as twee Kilometer in’n Oosten.

De Naveröörd sünd dat Oostenn von Nee Sankt Jürgen in’n Noorden, Hepst in’n Noordoosten, Tarmst in’n Oosten, Wilst in’n Oosten, Wilstermoor in’n Süden, Wörpdörp un Seehusen in’n Süüdwesten un Tüschendorp in’n Westen.

Historie[ännern | Bornkood ännern]

Tarmstermoor is as Moorkolonie von Tarmst ut grünnt worrn.

Verwaltungsgeschicht[ännern | Bornkood ännern]

De Oort hett jümmer bi Tarmst mit bihöört. Eerst 1983 is de Oort in de Gemeen Grasbarg wesselt. Dorbi is de Oort von’n Landkreis Rodenborg in’n Landkreis Oosterholt wesselt un binnen de Gemeen Grasbarg Deel von Tüschendorp worrn.

Religion[ännern | Bornkood ännern]

Tarmstermoor is evangeelsch-luthersch präägt un höört to dat Kaspel von de Martin-Luther-Kark in Tarmst.

För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Nich wied af von Tarmstermoor löppt de Kreisstraat 36 langs, de in’n Noorden bi Adelsdorp an de K 29 geiht un in’n Süüdwesten över Seehusen na Grasbarg. En Stück in’n Süden föhrt ok de Landsstraat 133 an Tarmstermoor vörbi. De L 133 geiht in’n Noordoosten över Tarmst un Karktimk na Zeven un in’n Süüdwesten över Grasbarg na Leendaal.

De nächste Autobahn is de Autobahn 27 (Afsnidd BremenWasra). De Opfohrt 19 Horn-Leh liggt so 21 Kilometer in’n Süüdwesten von Tarmstermoor an de Leendaler Heerstraat.

De nächste Bahnhoff is so bi 19 Kilometer wied weg in’n Süden de Bahnhoff Sao’ern an de Bahnlien Hamborg–Bremen. De Bahnhoff Oosterholt-Scharmbeek an de Bahnlien Bremen–Bremerhoben liggt 21 Kilometer in’n Westen. Von 1917 bet 1964 hett dat ok Personenverkehr op de Bahnlien Wilst–Töst geven. De Bahnhoff Tarmst weer söss Kilometer in’n Oosten. Noch dichter bi weer de Bahnhoff Tüschendorp von de Kleenbahn Bremen–Tarmst, de von 1900 bet 1956 bedreven worrn is. De leeg twee Kilometer in’n Süden.

Scholen[ännern | Bornkood ännern]

De Kinner ut Tarmstermoor gaht na de Grundschool Grasbarg.