Su’möhlen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Su’möhlen
Laag vun Su’möhlen in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Äästörp
Inwahners:
Postleettall: 21272
Vörwahl: 04175
Geograafsche Laag:
Koordinaten:53° 12′ N, 10° 2′ O
53° 12′ N, 10° 2′ O

Möhl un Smale Au vör dat Wehr
Möhl un Smale Au achter dat Wehr

Su’möhlen (hoochdüütsch Sudermühlen) is en Oort in de Gemeen Äästörp (Samtgemeen Hanstää) in’n Landkreis Horborg, Neddersassen.

Geografie[ännern | Bornkood ännern]

Su’möhlen liggt in de Lümbörger Heid an’t Över von de Smale Au. Nich wied von den Oort weg in’n Süden münnt de Radenbeek in de Smale Au.

De Naveröörd sünd Schätzendörp un Sohrndörp in’n Noorden, Äästörp in’n Oosten, Döhl in’n Süden, Wils in’n Süüdwesten un Unnel in’n Westen.

Historie[ännern | Bornkood ännern]

Su’möhlen kummt 1370 as Sudermolen toeerst in de Oorkunnen vör.

1881 hett de Familie Rabeler den Hoff övernahmen. 1946 is de Hoff afbrennt. Na den Brand is dat Wahnhuus wedder opboot worrn un de Besitters hebbt dor en Restaurant in inricht. Dat Restaurant mit Frömmenkamern hett 1948 opmaakt. De Watermöhl an de Smale Au hett noch bet 1950 Koorn mahlt un is denn tomaakt worrn. 1959 is de Anlaag to en Hotel utboot worrn, dat 1974 en ne’en Trakt mit 24 Kamern un en Wellness-Bereich mit Swemmbad, Sauna un Solarium kregen hett. 1994 hebbt se dat Hotel üm noch en Etaasch opstockt.

In de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Winsen tohöört. Blots von 1852 bet 1859 hett dat Dörp kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

Su’möhlen höört al von öllers to de Gemeen Sohrndörp mit to. De Oort is an’n 1. Juli 1972 tohoop mit Sohrndörp Deel von de Gemeen Äästörp worrn.

Inwahnertall[ännern | Bornkood ännern]

Johr Inwahners
1824-00-001824[1] 1 Füürsteed
1848-00-001848[2] 19 Lüüd. 2 Hüüs
1871-00-001871[3] 14 Lüüd. 1 Huus

Religion[ännern | Bornkood ännern]

Su’möhlen is evangeelsch-luthersch präägt un höört to dat Kaspel von de Stephanus-Kark in Äästörp.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De eenzigen grötteren Straten ut Su’möhlen rut sünd de Straat na Noorden na Sohrndörp, de an de Kreisstraat 27 ran löppt un in Sohrndörp mit de Landsstraat 213 verbunnen is, un na Oosten na Äästörp an de L 212 ran.

De nächste Autobahn is de Autobahn 7 (Afsnidd HamborgHannover). De Opfohrt 41 Äästörp liggt so veer Kilometer in’n Oosten von Su’möhlen.

De nächste Bahnhoff is so bi 16 Kilometer wied weg in’n Noordwesten de Bahnhoff Handörp an de Heidbahn.

Footnoten[ännern | Bornkood ännern]

  1. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 586
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134

Weblenken[ännern | Bornkood ännern]

Commons-logo.svg Su’möhlen. Mehr Biller, Videos oder Audiodateien to’t Thema gifft dat bi Wikimedia Commons.