Döhl
Dit Woort hett noch annere Bedüden: kiek dorför ünner Döhl (Mehrdüdig Begreep).
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 8,67 km² | |
| Inwahners: | 348 (19. März 2010) | |
| Inwahnerdicht: | 40,1 Inwahners pro km² | |
| Postleettall: | 21272 | |
| Vörwahl: | 04175 | |
| Geograafsche Laag: | Koordinaten:53° 10′ N, 10° 2′ O53° 10′ N, 10° 2′ O | |
|
| ||
Döhl (hoochdüütsch Döhle) is en Dörp in de Gemeen Äästörp in’n Landkreis Horborg, Neddersassen.
Geografie
[ännern | Bornkood ännern]Döhl liggt in de Lümbörger Heid an’n Rand von dat Naturschuulrebeed Lümbörger Heid un an de Smale Au. Nich wied weg in’n Westen bi Wils hett de Lümbörger Heid mit’n Wilser Barg ehren höögsten Punkt. Twüschen Döhl un Wils doot ok de Döhler Fuhren liggen.
De Naveröörd sünd Sohrndörp un Su’möhlen in’n Noorden, Äästörp un Lübberstää in’n Noordoosten, Rulfsen un Raben in’n Oosten (de beiden in’n Landkreis Lümborg), Ebendörp in’n Süüdoosten, Hörpel in’n Süden, Volgern in’n Süüdwesten, Wils in’n Westen (de letzten dree in’n Landkreis Heidkreis) un Unnel in’n Noordwesten.
Historie
[ännern | Bornkood ännern]Wohrschienlich kummt de Oort in en Oorkunn von 1135 toeerst vör. Ganz seker kummt de Oort denn in en Oorkunn von’n Bischop von Veern 1231 vör. De Oort is dormaals Dolethe nöömt worrn un hett in’n Bardengo legen. Binnen den Bardengo hett de Oort to’n Goh Soltinghusen (Solzhusen) höört un von so 1679 af an to de Vaagdie Garlstörp.
In’n Eersten Weltkrieg sünd twee Soldaten[1] ut Döhl fullen oder vermisst un in’n Tweten 24[2].
Verwaltungsgeschicht
[ännern | Bornkood ännern]Vör 1885 leeg Döhl in’t Amt Winsen un na 1885 in’n Kreis Winsen, de 1932 denn Deel von’n Landkreis Horborg worrn is.
An’n 1. Juli 1972 is de Gemeen Döhl Deel von de Gemeen Äästörp worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[3] | 5 Füürsteden |
| 1848[4] | 72 Lüüd, 8 Hüüs |
| 1. Dezember 1910[5] | 111 |
| 1925[6] | 138 |
| 1933[6] | 146 |
| 1939[6] | 155 |
| 19. März 2010 | 348 |
Religion
[ännern | Bornkood ännern]Döhl is evangeelsch-luthersch präägt un höört to dat Kaspel von de Stephanus-Kark in Äästörp.
Kultur
[ännern | Bornkood ännern]En Denkmaal för de Fullenen ut den Tweten Weltkrieg steiht in’n Karl-Buchholz-Hain. För de Doden ut’n Eersten Weltkrieg steiht en Denkmaal vör de Kark in Äästörp.
De Veelsiedigkeitsrieder Andreas Dibowski hett in Döhl en Hoff, op den he Peer tücht, den Irenenhoff.
Weertschop un Infrastruktur
[ännern | Bornkood ännern]Elektrischen Stroom hett Döhl 1922 kregen. Telefoon is 1958 kamen.
2009 is dat teihn Hektar grote Gewarfrebeet Thaanbarg utwiest worrn, op dat en Autohoff an de Autobahn plaant is.
Verkehr
[ännern | Bornkood ännern]Döhl liggt an de Kreisstraat 36, de in’n Noordoosten an de Landsstraat 212 ran un denn na Äästörp un Garlstörp löppt un in’n Süüdoosten na Ebendörp. Ans gifft dat noch lüttjere Straten na Wils un Hörpel.
De Opfohrt 42 Ebendörp op de Autobahn 7 (Afsnidd Hamborg–Hannover) liggt so bi twee Kilometer weg in’n Oosten an de L 212 twüschen Ebendörp un Äästörp.
De nächste Bahnhoff is de Bahnhoff Hemsen an de Heidbahn. Fröher harr dat Dörp ok en lüttjen Bahnhoff an de Bahnlien Winsen–Hützel, de 1910 anleggt worrn is.
Scholen
[ännern | Bornkood ännern]Döhl hett sien eerst Schoolhuus 1912 kregen, dat denn later aver wedder dichtmaakt hett. Vondaag gaht de Kinner op de Grundschool Äästörp.
Lüüd
[ännern | Bornkood ännern]- Karl Buchholz (1894-1976), Landraad von’n Landkreis Horborg
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/egestorf.htm
- ↑ http://www.denkmalprojekt.org/dkm_deutschland/doehle.htm
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 136
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
