Schätzendörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Schätzendörp
Laag vun Schätzendörp in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Äästörp
Inwahners: 246 (2010-00-002010)
Postleettall: 21272
Vörwahl: 04175
Geograafsche Laag:
Koordinaten:53° 13′ N, 10° 2′ O
53° 13′ N, 10° 2′ O

Schätzendörp (hoochdüütsch Schätzendorf) is en Dörp in de Gemeen Äästörp (Samtgemeen Hanstää) in’n Landkreis Horborg, Neddersassen.

Geografie[ännern | Bornkood ännern]

Dat Dörp liggt in de Lümbörger Heid. Twüschen Schätzendörp un Sohrndörp löppt de Büner Beek langs, de nich wied von dat Dörp af in de Smale Au münnt. De flütt denn wieder na Noorden na de Seev to.

De Naveröörd sünd Niendörp un Tiesenbarg in’n Noorden, Garlstörp in’n Noordoosten, Lübberstää un Äästörp in’n Süüdoosten, Sohrndörp un Su’möhlen in’n Süden, Unnel in’n Westen un Ollsen in’n Noordwesten.

Historie[ännern | Bornkood ännern]

Schätzendörp kummt 1244 toeerst in de Oorkunnen vör. De öllste Hoff in dat Dörp is de Degenhoff, de 1339 toeerst nawiest is. De öllsten Delen von dat hüdige Gebüüd sünd von 1527.

In’n Eersten Weltkrieg sünd acht Soldaten ut Schätzendörp fullen oder vermisst.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Winsen tohöört. Blots von 1852 bet 1859 hett dat Dörp kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

De Gemeen Schätzendörp is 1928 mit de Gemeen Sohrndörp tohoopleggt worrn. An’n 1. Juli 1972 is de Oort tohoop mit Sohrndörp Deel von de Gemeen Äästörp worrn.

Inwahnertall[ännern | Bornkood ännern]

Johr Inwahners
1812-00-001812[2] 104
1824-00-001824[3] 11 Füürsteden
1848-00-001848[4] 129 Lüüd. 14 Hüüs
1910-12-011. Dezember 1910[5] 158

Religion[ännern | Bornkood ännern]

Schätzendörp is evangeelsch-luthersch präägt un höört to dat Kaspel von de Stephanus-Kark in Äästörp.

Kultur[ännern | Bornkood ännern]

En Denkmaal för de Fullenen ut’n Eersten Weltkrieg steiht in Äästörp vör de Kark.

Verenen[ännern | Bornkood ännern]

Sohrndörp un Schätzendörp hebbt tohoop en freewillige Füürwehr, de 1936 grünnt worrn is.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Schätzendörp löppt de Landsstraat 213, de in’n Noorden na Hanstää un Jesborg geiht un in’n Süüdoosten na Äästörp. Von de L 213 geiht na Noordwesten de Kreisstraat 46 na Ollsen af. In’n Süüdwesten löppt von Sohrndörp ut de K 27 na Unnel.

De nächste Autobahn is de Autobahn 7 (Afsnidd HamborgHannover). De Opfohrt 41 Äästörp liggt so fiev Kilometer in’n Süüdoosten von Schätzendörp an de K 5.

De nächste Bahnhoff is so bi 15 Kilometer wied weg in’n Westen de Bahnhoff Handörp an de Heidbahn.

Scholen[ännern | Bornkood ännern]

In Schätzendörp gifft dat en Kita. Fröher harr Schätzendörp tohoop mit Sohrndörp en Volksschool.

De Kinner ut Schätzendörp gaht vondaag na de Grundschool Äästörp.

Lüüd[ännern | Bornkood ännern]

De Forstwirt un Buur Norbert Leben kummt ut Schätzendörp un hett dor mit sien Fro den Degenhoff mit en Gasthuus bedreven.

Literatur[ännern | Bornkood ännern]

Footnoten[ännern | Bornkood ännern]

  1. http://www.denkmalprojekt.org/dkm_deutschland/egestorf.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 532
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  5. Inwahnertallen op gemeindeverzeichnis.de