Peter Eden Martinez

Vun Wikipedia
Zur Navigation springen Zur Suche springen

Peter Eden Martinez is en Politiker ut Belize (UDP).

Leven[ännern | Bornkood ännern]

Martinez is de Söhn von Charles Martinez. He is en Garifuna un leevt in Punta Gorda.[1] He weer op dat St Peter Claver College un hett in siene fröhe Tied as Musiker de Trummeln speelt. Tohoop mit Earl Arana Ogaldez un Oswald Lopez hett he en Tied lang in Belmopan leevt un dor de eerste Garifuna-Band billt.[2] He is denn aver wedder na Punta Gorda trügg un is Schoolmeester an de School in San Antonio worrn.[2] Na de Tied in San Antonio is he na Belize-Stadt gahn un weer dor op dat Belize Teachers’ College.[2]

Politik[ännern | Bornkood ännern]

Bi de Parlamentswahl in Belize 2003 weer he för de UDP Kannedaat in’n Wahlkreis Toledo Oost, kunn sik aver mit 46,61 % von de Stimmen nich gegen Michael Espat von de PUP dörsetten. Bi de Wahl 2008 weer he in’n sülven Wahlkreis wedder Kannedaat un hett dütmaal mit 54,50 % gegen Espat wunnen. Bi de Wahl 2012 hett he 42,96 % haalt un bi de Wahl 2015 45,57 %. Bi beide Wahlen hett sik Michael Espat dörsett.

Dormit weer Martinez von’n 7. Februar 2008 bet 7. März 2012 Afornten in dat Repräsentantenhuus von Belize. In düsse Tied (12. Februar 2008 bet 9. März 2012) weer he ünner Premierminister Dean Barrow Minister för Minschliche Entwicklung un Sozialen Wannel in dat Kabinett Barrow I.

Footnoten[ännern | Bornkood ännern]

  1. Garifuna Settlement Day in Belize, Repeating Islands an’n 20. November 2010
  2. a b c Roy E. Gutierrez: A rundown of Toledo musicians. Government Printer, Belize-Stadt 2000, Sied 11