Toledo Community College

Vun Wikipedia
Zur Navigation springen Zur Suche springen

Dat Toledo Community College (TCC) is en Sekundärschool in de Stadt Punta Gorda in’n Distrikt Toledo, Belize. Dat liggt in de New City Area in’n Noorden von Punta Gorda dicht bi’n Southern Highway. Se hett üm un bi 690 Schölers.[1]

Historie[ännern | Bornkood ännern]

De School geiht trügg op dat St Peter Claver College, dat 1960 von de röömsch-kathoolsche Karkengemeen St. Peter Claver grünnt worrn is.[2] Se leeg an de Front Street dicht bi de Küst von de Karibische See. De Karkengemeen hett vörher al en Grundschool in Punta Gorda bedreven, de ok vondaag noch besteiht. Dat weer de eenzige Sekundärschool in’n Distrikt Toledo.[3] Bevör de School grünnt worrn is, müssen Schölers na Belize-Stadt oder na Stann Creek Town, üm en Sekundärschool to besöken. De School hett 1964 de eersten Afslüss vergeven.[4]

1982 hett de Regeren von Belize den Bo von en Junior Secondary School (also en Middelschool) in Punta Gorda anfungen.[3] Dat geev aver Bedenken, dat de Region nich noog Schölers för twee Sekundärscholen harr.[3] Dorüm is beslaten worrn, de twee Scholen tohooptoföhren.[3] Nadem de ne’e School in’n September 1983 trech weer, hett de ne’e School denn Toledo Community College heten.[3] De letzten Afslüss an dat St Peter Claver College sünd 1983 vergeven worrn.

Dat St Peter Claver College harr mehr en Fokus op de Fre’en Künst (liberal arts), wieldes sik dat Toledo Community College tosätzlich stärker op Themen kunzentreert hett, de för’n Beroop vörbereidt, to’n Bispeel in Bueree un Handwark.[3] Von de Johren 1980 bet vondaag is aver bilütten en tosätzlichen Fokus dorop leggt worrn, Schölers op en Studium vörtobereiden.[3]

In’n September 1999 hett dat Saint Peter Claver College Extension Department apenmaakt, wat sik an utwussen Lüüd richt, de en Schoolafsluss nahalen wüllt.

Schoolbaas[ännern | Bornkood ännern]

  • 1983–: Michael Espat
  • –2004: Luke Palacio
  • 2004–2006: Francis Arzu (kommissarsch)
  • 2006–15. August 2008: Luke Palacio
  • 15. August–31. August 2008: Francis Arzu (kommissarsch)
  • 1. September 2008–: Carlos Chan
  • opstunns: Harriet Lino

Footnoten[ännern | Bornkood ännern]

  1. Scholen in Punta Gorda, Websteed von Punta Gorda
  2. Michael Crawford: Current Developments in Anthropological Genetics: Volume 3 Black Caribs A Case Study in Biocultural Adaptation. Springer, 2012, Sied 123
  3. a b c d e f g Toledo Community College: About
  4. Peter Hitchen: Education and Multicultural Cohesion in the Caribbean:the Case of Belize, 1931 - 1981. 2008, Sied 317

Weblenken[ännern | Bornkood ännern]


Koordinaten:16° 6′ N, 88° 48′ W