Westersied

Vun Wikipedia
(wiederwiest vun Noorderwestersied)
Zur Navigation springen Zur Suche springen
Wapen/Flagg Koort

Wapen vun Westersied

Westersied
Laag vun Westersied in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Steenau
Inwahners:
Postleettall: 21775
Vörwahl: 04756
Geograafsche Laag:
Koordinaten:53° 41′ N, 8° 52′ O
53° 41′ N, 8° 52′ O

De Westersied (hoochdüütsch Westerseite) is en Oort in de Gemeen Steenau (Samtgemeen Land Hadeln) in’n Landkreis Cuxhoben, Neddersassen.

De Oort is noch wieder opdeelt in de Noorderwestersied un de Süderwestersied.

Geografie[ännern | Bornkood ännern]

De Oort liggt in dat Siedland von Hadeln an’n Rand von dat Hoogmoor. Dat Water ut dat Rebeed flütt över de Mehmstoder Wettern na de Au hen af. In’n Westen liggt dat Naturschuulrebeed Ahlen-Falkenbarger Moor, Haalmer un Dahlmer See.

De Naveröörd sünd dat Westerenn von Helmworth un Mehmstood in’n Noorden, Stroodiek in’n Noordoosten, Steenau mit siene Oortsdelen Noorderenn, Glind, Lauendeel un Süderenn in’n Oosten, Höörn un Holterborg in’n Süden, Flögeln in’n Süüdwesten, Ahlenfalkenbarg in’n Westen un Suurlee in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Steenau von dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln, de 1932 Deel von’n grötteren Kreis Land Hadeln worrn is. Siet 1977 höört de Oort to’n Landkreis Cuxhoben.

De Oort höört al von öllers bi de Gemeen Steenau mit bi.

Inwahnertall[ännern | Bornkood ännern]

Johr Inwahners
1848-00-001848[1] 377 Lüüd. 72 Hüüs
1871-12-011. Dezember 1871[2] 492 Lüüd. 100 Hüüs
1885-12-011. Dezember 1885[3] 541 Lüüd. 102 Hüüs

Religion[ännern | Bornkood ännern]

De Westersied is evangeelsch-luthersch präägt un höört to dat Kaspel von de Johannes-Kark in Steenau.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

För de Westersied is de freewillige Füürwehr Steenau mit tostännig.

Verkehr[ännern | Bornkood ännern]

Dör de Westersied löppt de Landsstraat 117, de in’n Noorden över Helmworth un Neenkarken na de L 118 un wieder na Oterndörp geiht un in’n Süden na Beers an de Landsstraten L 119 un L 120. Na Noordoosten geiht von de L 117 de L 144 af, de över Steenau, Godshem un Bülkau na Neehuus föhrt. En lüttjere Straat geiht von de Westersied na Flögeln.

De nächste Autobahn is de Autobahn 27 (Afsnidd CuxhobenBremerhoben). De Opfohrt 4 Niewohl liggt so 16 Kilometer in’n Westen von de Westersied an de L 119.

De nächste Bahnhoff is so bi 16 Kilometer wied weg in’n Noorden de Bahnhoff Oterndörp an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinner von de Westersied gaht na de Grundschool Siedland in Helmworth. Fröher hett dat an de Westersied twee lüttje Volksscholen geven.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159

Weblenken[ännern | Bornkood ännern]

Commons-logo.svg Westersied. Mehr Biller, Videos oder Audiodateien to’t Thema gifft dat bi Wikimedia Commons.