Holterborg

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Holterborg
Laag vun Holterborg in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27624
Vörwahl: 04745
Geograafsche Laag:
Koordinaten:53° 38′ N, 8° 51′ O
53° 38′ N, 8° 51′ O

Holterborg (hoochdüütsch Holzurburg) is en Hoff bi Beers in de Gemeen Geestland in’n Landkreis Cuxhoben, Neddersassen.

Geografie[ännern | Bornkood ännern]

De Hoff liggt üm un bi 600 Meter af von’n Beerster See un 400 Meter von’n Haadler Kanaal. Na Oosten to is dat Naturschuulrebeed Holterborg an’n Beerster See.

De Naveröörd sünd de Steenauer Oortsdelen Westersied un Höörn in’n Noordoosten, Ankloh mit Falkenborg in’n Süüdoosten, Beers in’n Süüdwesten, Fickmöhlen in’n Westen un Flögeln in’n Noordwesten.

Historie[ännern | Bornkood ännern]

En poor hunnert Meter in’n Süüdoosten von’n hüdigen Hoff liggt en ole Ringwallanlaag, de dör Keramikfunnen op dat 11. Johrhunnert, villicht ok al dat 10. Johrhunnert dateert worrn is. De jüngsten Funnen dateert op de Tied von dat 13./14. Johrhunnert. De Anlaag hett en Dörmeter von üm un bi 350 Meter un besteiht ut en dubbelten Ringwall, de bet an dat Seeöver reckt un dor nich ganz slaten is. In’n Westen liggt buten noch en Wall, de von dat Seeöver na dat Holt geiht un dor ennt.

Holterborg weer von öllers en Forsthuus un Seet von en Böverförster. Vondaag is dat ok jümmer noch en Revierförsteree.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Beers in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Huusvaagdie (Böörd Ringst) von dat Amt Beers tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort höört von öllers bi de Gemeen Beers mit bi, de von 1971 bet 1974 to de ole Samtgemeen Beers un von 1974 bet 2015 to de ne’e Samtgemeen Beers höört hett. De Gemeen Beers un de Samtgemeen Beers sünd to’n 1. Januar 2015 oplööst worrn un billt nu en Deel von de Gemeen Geestland. Binnen de Gemeen Geestland höört dat Rebeed nu to de Oortschop Beers.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 6
1848-00-001848[3] 7 Lüüd. 1 Huus

Religion[ännern | Bornkood ännern]

Holterborg is evangeelsch-luthersch präägt un höört to dat Kaspel von de Jakobi-Kark in Beers.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dicht an’n Hoff Holterborg löppt de Landsstraat 117 langs, de in’n Noordoosten över Steenau, Helmworth un Neenkarken na Oterndörp geiht un in’n Süüdwesten in Beers anslütt an de Landsstraten L 119 un L 120. De L 120 löppt in’n Westen na Drangst un Langen un de L 119 in’n Noordwesten na Niewohl un in’n Süüdoosten na Bremervöör to. Na Loomst un Beverst besteiht Ansluss över de L 116 von Lintig ut.

De nächste Autobahn is de Autobahn 27 (Afsnidd BremerhobenCuxhoben). De Opfohrt 5 Debst liggt so 13 Kilometer in’n Westen von Holterborg an de L 120.

De nächste Bahnhoff is so bi 17 Kilometer wied weg in’n Süden de Bahnhoff Geestenseth an de Bahnlien Bremerhoben–Buxthu. De Bahnhoff Oterndörp an de Nedderelvbahn von Cuxhoben na Hamborg liggt 22 Kilometer in’n Noorden un de Bahnhoff Dorum an de Bahnlien Bremerhoben–Cuxhoben 21 Kilometer in’n Westen. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg twee Kilometer in’n Süüdwesten von’n Oort.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 113
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 131