Lütt Wangersen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21702 | |
| Vörwahl: | 04166 | |
| Geograafsche Laag: | Koordinaten:53° 22′ N, 9° 28′ O53° 22′ N, 9° 28′ O | |
|
| ||
Lütt Wangersen (hoochdüütsch Klein Wangersen) is en lütten Oort bi Wangersen in de Gemeen Ohlers (Samtgemeen Harsfeld) in’n Landkreis Stood, Neddersassen. In’n Süden grenzt de Oort direkt an’n Landkreis Rodenborg.
Geografie
[ännern | Bornkood ännern]De Oort liggt op de Stoder Geest. In’n Süden flütt de Kohbeek langs.
De Naveröörd sünd Ohrenswohl in’n Noorden, Ohrensmoor-Oost un Wiegersen in’n Noordoosten, Groot un Lütt Woonst in’n Oosten, Vierden in’n Süüdoosten, Groot un Lütt Ippens in’n Süden, Hogenhusen un Sellhorn in’n Süüdwesten un Wangersen un Bokel in’n Noordwesten.
Historie
[ännern | Bornkood ännern]Lütt Wangersen is in dat 19. Johrhunnert von Wangersen ut as Anbo anleggt worrn.
Verwaltungsgeschicht
[ännern | Bornkood ännern]De Oort hett vör 1885 to de Böörd Ohlers in dat Amt Harsfeld tohöört. Na 1885 hett dat to’n Kreis Stood höört un von 1932 af an to’n hüdigen Landkreis Stood.
De Oort hett al jümmer mit to de Gemeen Wangersen tohöört. Mit de Gemeenreform in Neddersassen an’n 1. Juli 1972 is de Gemeen Wangersen mit de Gemeen Ohlers tohoopleggt worrn.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 37 Lüüd, 6 Hüüs |
| 1. Dezember 1885[2] | 24 Lüüd, 6 Hüüs |
| 1. Dezember 1905[3] | 35 Lüüd, 6 Hüüs |
Religion
[ännern | Bornkood ännern]Lütt Wangersen is evangeelsch-luthersch präägt un höört to dat Kaspel Ohlers.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
De Doden warrt op’n Karkhoff Wangersen begraven.
Weertschop un Infrastruktur
[ännern | Bornkood ännern]För Lütt Wangersen is de freewillige Füürwehr Wangersen mit tostännig.
Weertschop gifft dat nich veel. En beten Bueree un en Paintballanlaag.
Verkehr
[ännern | Bornkood ännern]En lütt Stück in’n Oosten von Lütt Wangersen löppt de Kreisstraat 54 langs, de in’n Noorden in Ohrenswohl de Landsstraat 127 krüüzt un wieder na Ohlers geiht un in’n Süden na’n Landkreis Rodenborg (dor as K 139) un an Groot Ippens langs na de L 130 bi Zittens. De L 127 geiht von Ohrenswohl in’n Noordoosten na Obbens un Buxthu un in’n Süüdwesten över Steddörp un Bötzen na Heeßel un Zeven. In’n Oosten föhrt de K 131 na Woonst un an de L 130. Lüttjere Straten gaht in’n Süüdwesten över Hogenhusen na Lütt Ippens un in’n Westen na Wangersen an de L 127.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so negen Kilometer in’n Süüdoosten von Lütt Wangersen an de L 130.
De nächste Bahnhoff is so bi twölv Kilometer wied weg in’n Noorden de Bahnhoff Harsfeld an de Bahnlien Bremerhoben–Buxthu. Von 1917 bet 1971 hett dat ok Personenverkehr op de Bahnlien Wilst–Töst geven. De Bahnhoff Kohmöhlen weer in düsse Tied acht Kilometer in’n Süden.
Literatur
[ännern | Bornkood ännern]- Ewald Albers: Wangersen: früher und heute, 1105-2005. Heimatvereen Wangersen, 2005
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 153
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 161
Bokel | Bookholt | Doosthoff | Hogenhusen | Kokerbeek | Klethen | Kohlenhusen | Lütt Wangersen | Ohlers | Ohrensmoor | Ohrenswohl | Örsdörp | Ottendörp | Wangersen