Bookholt (Gemeen Ohlers)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Bookholt

Bookholt
Laag vun Bookholt in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Ohlers
Inwahners:
Hööchd: 44 m över NHN
Postleettall: 21702
Vörwahl: 04166
Geograafsche Laag:
Koordinaten:53° 25′ N, 9° 26′ O
53° 25′ N, 9° 26′ O

Hüüs in Bookholt

Bookholt (hoochdüütsch Bockholt) is en lütten Oort in de Gemeen Ohlers (Samtgemeen Harsfeld) in’n Landkreis Stood, Neddersassen.

Geografie[ännern | Bornkood ännern]

De Oort liggt op de Stoder Geest. Dat Water ut dat Rebeed flütt över’n Brakengraven (kummt ut’n Braken) na de Au hen af.

De Naveröörd sünd Kokerbeek in’n Noorden, Hollenbeek in’n Noordoosten, Ohlers in’n Süüdoosten, Klethen in’n Süden, Ottendörp, Kohlenhusen un Örsdörp in’n Süüdwesten un Wohlers in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

Vör 1885 weer de Oort in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Oort weer fröher Deel von de Gemeen Kokerbeek, de an’n 1. Juli 1972 mit de Gemeenreform in Neddersassen Deel von de Gemeen Ohlers worrn is.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 18 Lüüd. 4 Hüüs

Religion[ännern | Bornkood ännern]

Bookholt is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Weertschop un Infrastruktur[ännern | Bornkood ännern]

För Bookholt is de freewillige Füürwehr Kokerbeek mit tostännig.

In Bookholt bedrievt de Samtgemeenwarken Harsfeld dat Klärwark Bookholt. Dat is för de Öörd Ohlers, Ohrenswohl, Ottendörp und Kokerbeek tostännig. De Anlaag is op en Inwahnerweert von 6000 utleggt. Se is 1992/1993 boot worrn un weer toeerst op en Inwahnerweert von 3000 utleggt. 2006 is se op ehr hüdige Grött utboot worrn.

Verkehr[ännern | Bornkood ännern]

Dör Bookholt löppt de Kreisstraat 74, de in’n Noorden na Kokerbeek an de Kreisstraten K 55 un K 47 geiht un in’n Süüdoosten na Ohlers an de Landsstraat 124. En lüttjere Straat föhrt noch na Örsdörp. De L 124 löppt von Ohlers in’n Noordoosten över Hollenbeek na Harsfeld un wieder na Stood un in’n Süüdwesten över Bokel un Wangersen na Heeßel un Zeven.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 15 Kilometer in’n Süüdoosten von Bookholt an de L 130.

De nächste Bahnhoff is so bi söss Kilometer wied weg in’n Noorden de Bahnhoff Bargst an de Bahnlien Bremerhoben–Buxthu.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160