Wohlers

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Wohlers (Familiennaam).

Wapen/Flagg Koort
Wapen unbekannt
Wohlers
Laag vun Wohlers in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Brest
Inwahners:
Postleettall: 21698
Vörwahl: 04166
Geograafsche Laag:
Koordinaten:53° 25′ N, 9° 24′ O
53° 25′ N, 9° 24′ O

Wohlers (hoochdüütsch Wohlerst) is en Dörp in de Gemeen Brest, Samtgemeen Harsfeld, in’n Landkreis Stood, Neddersassen.

Bi Wohlers höört ok de Oortsdeel Lüttjen Wohlers mit bi.

Geografie[ännern | Bornkood ännern]

De Oort liggt op de Stoder Geest. In’n Süden von dat Dörp hett de Twiest ehren Born. Dat Water ut dat Dörp sülvs flütt aver över’n Wohlerster Beek na de Au hen af. In’n Noordwesten liggt dat Naturschuulrebeed In’n Tadel.

De Naveröörd sünd Brest in’n Noorden, Doosthoff un Bargst in’n Noordoosten, Kokerbeek in’n Oosten, Bookholt un Ohlers in’n Süüdoosten, Örsdörp in’n Süden, Winnerswohl in’n Süüdwesten un Lüttjen Wohlers, Lüttjen Reith un Reith in’n Westen.

Historie[ännern | Bornkood ännern]

Gedenksteen in Wohlers

Toeerst in de Oorkunnen kummt de Oort 971 as Waldersdi vör.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hollenbeek in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Harsfeld in’n Kanton Hornborg.

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Gemeen Wohlers weer von 1964 bet 1972 Deel von de Samtgemeen Bargst. 1972 is de Samtgemeen Bargst oplööst worrn un de Gemeen keem an de Samtgemeen Harsfeld.

Wohlers is an’n 1. Juli 1972 bi de Gemeenreform in Neddersassen mit de Gemeen Brest tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[1] 7 Füürsteden
1824-00-001824[2] 9 Füürsteden
1848-00-001848[3] 184 Lüüd. 27 Hüüs
1871-12-011. Dezember 1871[4] 111 Lüüd. 19 Hüüs
1885-12-011. Dezember 1885[5] 128 Lüüd. 17 Hüüs
1905-12-011. Dezember 1905[6] 111 Lüüd. 15 Hüüs
1910-12-011. Dezember 1910[7] 124*
1925-00-001925[8] 164*
1933-00-001933[8] 164*
1939-00-001939[8] 178*
tohoop mit Lüttjen Wohlers

Religion[ännern | Bornkood ännern]

Wohlers is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Sprüttenhuus von de Füürwehr in Wohlers

Wohlers hett en egene Freewillige Füürwehr, de 1935 grünnt worrn is. Vörher hett dat al von 1902 af an en Plichtfüürwehr geven.

Verkehr[ännern | Bornkood ännern]

Wohlers liggt an de Kreisstraat 47, de in’n Noordwesten na Reith un Bredenbeek an de K 48 ran un in’n Oosten över Kokerbeek na Hollenbeek an de Landsstraat 124 löppt.

De nächste Autobahn is de Autobahn 1 (Afsnidd HamborgBremen). De Opfohrt 47 Zittens liggt so 20 Kilometer in’n Süüdoosten von Wohlers an de L 130. De Opfohrt 5 Hornborg op de Autobahn 26 (Afsnidd StoodHamborg) liggt 20 Kilometer in’n Noordoosten an de K 36.

De nächste Bahnhoff is so bi fiev Kilometer wied weg in’n Noordoosten de Bahnhoff Bargst an de Bahnlien Bremerhoben–Buxthu.

Lüüd[ännern | Bornkood ännern]

De plattdüütsche Schrieversche Marianne Heins is in Wohlers boren. Ok de plattdüütsche Schrieversche Petra Bredehöft leevt in Wohlers.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 256
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 680
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 140
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Wohlers. Mehr Biller, Videos oder Audiodateien to’t Thema gifft dat bi Wikimedia Commons.