Kokerbeek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21702 | |
| Vörwahl: | 04166 | |
| Geograafsche Laag: | Koordinaten:53° 26′ N, 9° 26′ O53° 26′ N, 9° 26′ O | |
|
| ||
Kokerbeek (hoochdüütsch Kakerbeck) is en Dörp in de Gemeen Ohlers, Samtgemeen Harsfeld, in’n Landkreis Stood, Neddersassen. Dat Dörp liggt an de Au.
Bi Kokerbeek höört von öllers ok de lüttjeren Öörd Doosthoff un Bookholt mit bi.
Geografie
[ännern | Bornkood ännern]De Oort liggt op de Stoder Geest. Dat Water ut dat Rebeed flütt över de Au af. De Au bi Kokerbeek is dör dat Naturschuulrebeed Audaal un Blangendaals schuult.
De Naveröörd sünd Bargst in’n Noorden, Hollenbeek in’n Noordoosten, Ohlers in’n Süüdoosten, Örsdörp in’n Süüdwesten, Wohlers in’n Westen un Brest in’n Noordwesten.
Historie
[ännern | Bornkood ännern]In Kokerbeek hebbt se Hüüs ut de Sassentied archäoloogsch utgraavt.
In dat Johr 971 keem de Oort as Kokerbiki tooerst in de Oorkunnen vör.
Verwaltungsgeschicht
[ännern | Bornkood ännern]Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
De Gemeen Kokerbeek weer von 1964 bet to’n 31. Dezember 1970 Deel von de Samtgemeen Bargst, is denn aver to’n 1. Januar 1971 in de Samtgemeen Ohlers wesselt. An’n 1. Juli 1972 bi de Gemeenreform in Neddersassen sünd de Gemeen Kokerbeek un de Samtgemeen Ohlers oplööst worrn. Kokerbeek is denn Deel von de Gemeen Ohlers in de Samtgemeen Harsfeld worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 9 Füürsteden |
| 1848[2] | 137 Lüüd, 18 Hüüs |
| 1. Dezember 1910[3] | 223 |
| 1925[4] | 308 |
| 1933[4] | 295 |
| 1939[4] | 290 |
Religion
[ännern | Bornkood ännern]
Kokerbeek is evangeelsch-luthersch präägt un höört to dat Kaspel von de Primus-Kark in Bargst.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Weertschop un Infrastruktur
[ännern | Bornkood ännern]Kokerbeek hett en egene Freewillige Füürwehr, de 1935 grünnt worrn is.
Verkehr
[ännern | Bornkood ännern]Kokerbeek liggt an de Kreisstraat 47, de in’n Westen na Wohlers, Reith un Bredenbeek löppt un in’n Noordoosten na Hollenbeek an de Landsstraat 124. In’n Noorden föhrt de K 64 na Bargst an de L 123 un in’n Süüdoosten de K 74 na Ohlers an de L 124. De K 55 geiht in’n Süüdwesten na Örsdörp.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 17 Kilometer in’n Süüdoosten von Kokerbeek an de L 130. Jüstso wied weg in’n Noordoosten is de Opfohrt 5 Hornborg op de Autobahn 26 (Afsnidd Stood–Hamborg).
De nächste Bahnhoff is so bi veer Kilometer wied weg in’n Noorden de Bahnhoff Bargst an de Bahnlien Bremerhoben–Buxthu.
Ver- un Entsorgung
[ännern | Bornkood ännern]Dat Afwater ut Kokerbeek warrt över dat Kanaalnett na dat Klärwark Bookholt afföhrt un dor reinigt.
Lüüd
[ännern | Bornkood ännern]De fröhere Präsident von Indonesien, Jusuf Habibie, hett in Kokerbeek en Huus.
Literatur
[ännern | Bornkood ännern]- Willi Wegewitz: Ein Haus aus spätsächsischer Zeit in Kakerbeck Kr. Stade. Leipzig 1930
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 324: http://books.google.de/books?id=tG0AAAAAcAAJ&pg=PA324
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html
Weblenken
[ännern | Bornkood ännern]
Bokel | Bookholt | Doosthoff | Hogenhusen | Kokerbeek | Klethen | Kohlenhusen | Lütt Wangersen | Ohlers | Ohrensmoor | Ohrenswohl | Örsdörp | Ottendörp | Wangersen