Bredenbeek (Brest)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21698 | |
| Vörwahl: | 04762 | |
| Geograafsche Laag: | Koordinaten:53° 26′ N, 9° 21′ O53° 26′ N, 9° 21′ O | |
|
| ||
Bredenbeek (hoochdüütsch Bredenbeck) is en lütten Oort in de Gemeen Brest (Samtgemeen Harsfeld) in’n Landkreis Stood, Neddersassen. De Oort höört polietsch al von öllers bi Reith mit bi.
Geografie
[ännern | Bornkood ännern]Bredenbeek liggt op de Stoder Geest an’n Reither Beek, de in’n Noordwesten in de Bever münnt.
De Naveröörd sünd Aasp un Brest in’n Noordoosten, Reith un Wohlers in’n Süüdoosten, Fehrenbrook un Farm in’n Süüdwesten un Baast un Kutenhult in’n Noordwesten.
Historie
[ännern | Bornkood ännern]
De Oort kummt 1132 as Bredenbeke toeerst in de Oorkunnen vör.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Harsfeld in’n Kanton Hornborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Bargst von dat Amt Harsfeld tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Bredenbeek höört al von öllers to de Gemeen Reith. De Gemeen Reith weer von 1964 bet 1972 Deel von de Samtgemeen Bargst. 1972 is de Samtgemeen Bargst oplööst worrn un de Gemeen keem an de Samtgemeen Harsfeld. Reith is an’n 1. Juli 1972 bi de Gemeenreform in Neddersassen mit de Gemeen Brest tohoopleggt worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 4 Füürsteden |
| 1. Dezember 1871[3] | 42 Lüüd, 12 Hüüs |
Religion
[ännern | Bornkood ännern]Bredenbeek is evangeelsch-luthersch präägt un höört to dat Kaspel von de Primus-Kark in Bargst.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Kultur
[ännern | Bornkood ännern]Museums
[ännern | Bornkood ännern]In Bredenbeek steiht de Museumsschüün Reith, in de Stücken wiest warrt, de mit de Bueree in de Tied von dat 19. Johrhunnert bet so 1960 to doon hebbt.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Bredenbeek löppt de Kreisstraat 48, de in’n Noordoosten över Brest na Bargst an de Landsstraat 123 ran geiht un in’n Süüdwesten in’n Landkreis Rodenborg wiedergeiht as Kreisstraat 122 na Farm un Malst. In’n Süüdoosten geiht von de K 48 de K 47 af na Reith, Wohlers un Kokerbeek.
De nächste Autobahn is de Autobahn 26 (Afsnidd Stood–Hamborg). De Opfohrt 5 Hornborg liggt so 22 Kilometer in’n Noordoosten von Bredenbeek.
De nächste Bahnhoff is so bi veer Kilometer wied weg in’n Noordoosten de Bahnhoff Brest-Aasp an de Bahnlien Bremerhoben–Buxthu.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 35: https://books.google.de/books?id=jN5QAAAAcAAJ&pg=RA1-PA35
- ↑ C. H. Jansen: Statistisches Handbuch des Königreichs Hannover. 1824, Sied 84: http://books.google.de/books?id=tG0AAAAAcAAJ&pg=RA1-PA84
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141