Hatz
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27404 | |
| Vörwahl: | 04286 | |
| Geograafsche Laag: | Koordinaten:53° 15′ N, 9° 24′ O53° 15′ N, 9° 24′ O | |
|
| ||
Hatz (hoochdüütsch Hatzte) is en Dörp in de Gemeen Elsdörp (Samtgemeen Zeven) in’n Landkreis Rodenborg, Neddersassen.
Geografie
[ännern | Bornkood ännern]In’n Noorden hett de Heisbeek sien Born, de in de Oost münnt, un in’n Süden de Bargelbeek, de in’n Buschhorstbeek münnt un de wedder in de Au-Meh. Na Süüdoosten flütt de Siebeek, de in’n Alpershusener Möhlenbeek münnt. Na Süüdoosten to liggt dat Hatzer un Sooteler Moor.
De Naveröörd sünd Rüspel un Nindörp in’n Noorden, Alpershusen in’n Oosten, Sootel, Olenhöben un Wittkopsbossel in’n Süüdoosten, Abbendörp in’n Süden, Bockhorst un Badenhorst in’n Süüdwesten, Ehsdörp un Elsdörp in’n Westen un Poitzendörp un Frankenbossel in’n Noordwesten.
Historie
[ännern | Bornkood ännern]In’n Eersten Weltkrieg sünd acht Soldaten ut Hatz fullen oder vermisst un in’n Tweten Weltkrieg 21.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Zeven in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Elsdörp in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
1929 is Ehsdörp Deel von de Gemeen Hatz worrn. To’n 1. Oktober 1949 is Ehsdörp denn aver wedder egenstännige Gemeen worrn.[2]
Vör 1974 weer de Gemeen Hatz Maat von de Samtgemeen Elsdörp. De Gemeen un de Samtgemeen sünd an’n 1. März 1974 mit de Gemeenreform in Neddersassen oplööst un Deel von de Gemeen Elsdörp in de Samtgemeen Zeven worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[3] | 15 Füürsteden |
| 1824[4] | 17 Füürsteden |
| 1848[5] | 176 Lüüd, 32 Hüüs |
| 1. Dezember 1871[6] | 203 Lüüd, 35 Hüüs |
| 1. Dezember 1910[7] | 186 |
| 1925[8] | 182 |
| 1933[8] | 300 |
| 1939[8] | 310 |
| 1. Oktober 1949[2] | 332 |
Religion
[ännern | Bornkood ännern]Hatz is evangeelsch-luthersch präägt un höört to dat Kaspel von de Allerhilligen-Kark in Elsdörp.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht an de Hauptstraat.
Verenen
[ännern | Bornkood ännern]Hatz hett en Schüttenvereen tohoop mit Ehsdörp, de an’n 23. August 1919 grünnt worrn is.
Weertschop un Infrastruktur
[ännern | Bornkood ännern]Hatz hett tohoop mit Ehsdörp en egene freewillige Füürwehr.
Verkehr
[ännern | Bornkood ännern]Dör Hatz löppt de Kreisstraat 142, de in’n Westen in Elsdörp an de K 126 un de Landsstraat 131 ran geiht un in’n Oosten na Homersen an de L 130. De L 131 geiht wieder na Zeven un Scheeßl un de L 130 na Zittens.
De nächste Autobahn is de Autobahn 1. De Opfohrt 48 Elsdörp liggt so bi veer Kilometer in’n Süüdwesten von Hatz.
De nächste Bahnhoff is so bi 17 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen. Fröher hett dat dichtbi ok en Bahnhoff an de Bahnlien Bremervöör–Wasra geven. Dat weer de Bahnhoff Elsdörp fiev Kilometer in’n Westen. Personenverkehr hett dat dor von 1906 bet 1968 geven.
Scholen
[ännern | Bornkood ännern]De Kinner ut Hatz gaht op de Grundschool Elsdörp.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/hatzte_elsdorf_ns.htm
- ↑ a b Neues Archiv für Niedersachsen. Band 3, W. Dorn, 1949, Sied 871
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 98: https://books.google.de/books?id=jN5QAAAAcAAJ&pg=RA1-PA98
- ↑ C. H. Jansen: Statistisches Handbuch des Königreichs Hannover. 1824, Sied 252: http://books.google.de/books?id=tG0AAAAAcAAJ&pg=PA252
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 170: https://books.google.de/books?id=qTZDAQAAMAAJ&pg=RA1-PA170
- ↑ http://www.gemeindeverzeichnis.de/gem1900/gem1900.htm?hannover/zeven.htm
- ↑ a b c http://www.verwaltungsgeschichte.de/bremervoerde.html
Weblenken
[ännern | Bornkood ännern]- Websteed över de Verenen in Hatz un Ehsdörp (hoochdüütsch)
Badenhorst | Bockhorst | Borg Elsdörp | Borgwall | Ehsdörp | Elsdörp | Frankenbossel | Hatz | Nindörp | Poitzendörp | Rüspel | Volkens