Drumbargen

Vun Wikipedia
(wiederwiest vun Coorshusen)
Wapen/Flagg Koort
hett keen Wapen
Drumbargen
Laag vun Drumbargen in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Asendörp
Inwahners:
Postleettall: 21271
Vörwahl: 04184
Geograafsche Laag:
Koordinaten:53° 16′ N, 9° 57′ O
53° 16′ N, 9° 57′ O

Karte

Drumbargen (hoochdüütsch Drumbergen) is en lütten Oort in de Gemeen Asendörp (Samtgemeen Hanstää) in’n Landkreis Horborg, Neddersassen. De Oort höört polietsch al von öllers bi Asendörp mit bi.

Geografie[ännern | Bornkood ännern]

De Oort liggt in de Lümbörger Heid. In’n Süüdwesten liggt dat Holtrebeed Töps un in’n Süden de 107 Meter över NN hoge Hummelsbarg. Bi Drumbargen hett ok de Moorbeek sien Born, de later in de Smale Au münnt.

De Naveröörd sünd Asendörp in’n Noordoosten, Diekshuus in’n Oosten, Hanstää in’n Süüdoosten, Wesel in’n Süüdoosten, Höpen un Schierhoorn in’n Westen un Hassel, Wiedenhoff un Jesborg in’n Noordwesten.

Historie[ännern | Bornkood ännern]

De Landschop üm den hüdigen Oort mit en Reeg lüttje Heidbargen is Drumbargen nöömt worrn. In de Tied üm 1800 rüm hett Peter Coors en Anboersteed in dit Rebeed anleggt.[1] Na em hett de Oort Coorshusen heten. Vondaag is de Naam Drumbargen bekannter. In de Johren 1930 sünd denn bi’n Hoff Coorshusen ok en Reeg Feernhüüs von Hambörgers boot worrn, de över de Wekenennen un Feern in de Lümbörger Heid kemen.[1]

Verwaltungsgeschicht[ännern | Bornkood ännern]

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Johren 1852 bet 1859 hett de Oort för en Tied to dat Amt Solzhusen höört. Na 1885 weer dat in’n Kreis Winsen un 1932 is dat Deel von’n Landkreis Horborg worrn.

Religion[ännern | Bornkood ännern]

Drumbargen is evangeelsch-luthersch präägt un höört to dat Kaspel von de Jakobi-Kark in Hanstää.

För de Kathoolschen is de St.-Petrus-Kark in Bookholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Drumbargen löppt de Kreisstraat 55, de in’n Westen över Schierhoorn na Holm geiht un in’n Süüdoosten över Diekshuus na Hanstää an de Landsstraat 213 ran. Von Diekshuus geiht de K 60 in’n Noorden na Asendörp un dor ok an de L 213. De L 213 wedder geiht in’n Noorden na Jesborg, Bendsdörp un Hittfeld un in’n Süüdoosten na Äästörp.

De nächste Autobahn is de Autobahn 7 (Afsnidd HamborgHannover). De Opfohrt 39 Thieshoop liggt so teihn Kilometer in’n Noordoosten von Drumbargen an de L 215.

De nächste Bahnhoff is so bi söven Kilometer wied weg in’n Westen de Bahnhoff Büsenbeekdaal an de Heidbahn. De Bahnhoff Bookholt an de Bahnlien Hamborg–Bremen liggt so bi teihn Kilometer in’n Noordwesten.

Footnoten[ännern | Bornkood ännern]

  1. a b http://www.asendorf-chronik.de/die_alten_hofnamen_von_asendorf_und_dierkshausen.html