Adelst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04748 | |
| Geograafsche Laag: | Koordinaten:53° 24′ N, 8° 48′ O53° 24′ N, 8° 48′ O | |
|
| ||
Adelst (hoochdüütsch Adelstedt) is en Dörp in de Gemeen Beverst in’n Landkreis Cuxhoben, Neddersassen. Binnen de Gemeen Beverst höört de Oort to de polietsche Oortschop Stubben.
De Oort warrt vondaag aver kuum noch as egen Oort wohrnahmen. In’e Regel warrt he to Stubben torekent.
Geografie
[ännern | Bornkood ännern]De Oort liggt op de Oosterholter Geest. Dat Water ut dat Rebeed flütt in’n Noorden över’n Wellener Beek na de Luun hen af un in’n Süüdwesten na’n Billerbeek.
De Naveröörd weren Deelbrügg in’n Noorden, Beverstermöhlen un Beverst in’n Noordoosten, Wellen in’n Oosten, Bruunshusen in’n Süüdoosten, Hassbüttel un Bokel in’n Süüdwesten, Stubben in’n Westen un Huh in’n Noordwesten.
Historie
[ännern | Bornkood ännern]Adelst weer jümmer en temlich lütten Oort. Eerst nadem 1862 de Bahnlien Bremen–Bremerhoben boot un bi’n Hoff Stubben en Bahnhoff anleggt worrn is, de ok för Beverst mit dor ween schull, is Adelst bilütten wussen un jümmer mehr Lüüd hebbt sik dor in de Neegd von’n Bahnhoff ansiedelt.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to de Huusvaagdie Bexhöv in dat Gericht Beverst tohöört, von 1851 bet 1859 to dat Amt Beverst un denn von 1859 bet 1885 to dat Amt Leh. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
An’n 1. April 1929 hebbt sik de dree Gemenen Adelst, Bruunshusen un Huh tohoopslaten. Ok de Oort Stubben is dorbi von de Gemeen Bokel an disse ne’e Gemeen wesselt. De ne’e Gemeen hett denn den Naam Stubben kregen, von wegen den Bahnhoff. De Gemeen Stubben is an’n 1. April 1971 Deel von de Samtgemeen Beverst worrn. De bestünn bet to’n 1. November 2011. An dissen Dag is de Samtgemeen in en Eenheitsgemeen ümwannelt worrn un Stubben hett sien Status as egenstännige Gemeen verloren. Sietdem höört Adelst to de Oortschop Stubben binnen de Gemeen Beverst.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 5 Füürsteden |
| 1812[2] | 21 |
| 1824[3] | 4 Füürsteden |
| 1848[4] | 31 Lüüd, 5 Hüüs |
| 1. Dezember 1871[5] | 76 Lüüd, 14 Hüüs |
| 1. Dezember 1885[6] | 108 Lüüd, 19 Hüüs |
| 1. Dezember 1905[7] | 251 Lüüd, 41 Hüüs |
| 1. Dezember 1910[8] | 279 |
Religion
[ännern | Bornkood ännern]Adelst is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Johannes-de-Döper-Kark in Lox tostännig, de 1965 grünnt worrn is. Vör 1965 weer de Nikolaus-Kark in Wulsdörp tostännig. De Johannes-de-Döper-Kark höört siet 1. November 2006 to de Karkengemeen Hillig Hart Jesu in Geestmünn.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Stubben bi’n Bahnhoff.[9]
Weertschop un Infrastruktur
[ännern | Bornkood ännern]För Adelst is de freewillige Füürwehr Stubben tostännig.
Verkehr
[ännern | Bornkood ännern]Dör Adelst löppt de Kreisstraat 42, de in’n Süüdoosten över Bruunshusen na de Landsstraat 128 un wieder na Helljes geiht un in’n Westen na de L 134. De L 134 löppt in’n Noordoosten na Beverst an de Bundsstraat 71 un in’n Süüdwesten över Bokel na Braamst un Hagen.
De nächste Autobahn is de Autobahn 27 (Afsnidd Bremen–Bremerhoben). De Opfohrt 12 Hagen liggt so 18 Kilometer in’n Süüdwesten von Adelst an de K 51.
De nächste Bahnhoff is een Kilometer wied weg in’n Westen de Bahnhoff Stubben an de Bahnlien Bremen–Bremerhoben.
Scholen
[ännern | Bornkood ännern]De Kinner ut Adelst gaht na de Grundschool Bokel. Fröher harr de Oort ok en egen Volksschool.
Lüüd
[ännern | Bornkood ännern]Heinrich Hünecke weer von 1916 af an teihn Johr lang Schoolmeester an de Volksschool in Adelst.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 4
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 4
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 149
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 161
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50
- ↑ Inwahnertallen op gemeindeverzeichnis.de
- ↑ Onlineprojekt Gefallenendenkmäler
