Olenwoold

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Olenwoold
Olenwoold
Laag vun Olenwoold in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Flach: 25,03 km²
Inwahners: 6.603 (2006-12-3131. Dezember 2006)
Inwahnerdicht: 263,8 Inwahners pro km²
Hööchd: 1 m över NN
Postleettall: 27478
Vörwahl: 04723
Geograafsche Laag:
Koordinaten:53° 49′ N, 8° 40′ O
53° 49′ N, 8° 40′ O
De Cuxhobener Küstenheid bi Olenwoold

Olenwoold (hoochdüütsch Altenwalde) is en Oort in de Gemeen Cuxhoben in’n Landkreis Cuxhoben, Neddersassen.

Geografie[ännern | Bornkood ännern]

Olenwoold liggt in Wusten an’n Rand von de Cuxhobener Küstenheid na de Masch hen.

De Naverdörper sünd Süderwisch un Cuxhoben in’n Noorden, Groden in’n Noordoosten, de Westerennen von Olenbrook un de Worth in’n Oosten, Franzenborg un Godendörp in’n Süden, Ox in’n Süüdwesten, Berensch un Arensch in’n Westen un Holt un Spangen in’n Noordwesten.

Historie[ännern | Bornkood ännern]

Olenwoold kummt toeerst 1282 as Wolde in de Oorkunnen vör, as dat Klooster Millm na Olenwoold kamen is. Dormaals hett dat de Kapell von dat Hillige Krüüz geven, in de ok en Splinter von dat Krüüz, an dat Jesus Christus nagelt worrn is, to sehn wesen hebben schall. Disse Kapell is twüschen 1590 un 1629 verswunnen. Hertog Erik I. von Sassen hett de Kaspels Groden un Olenwoold 1324 bi Wolderik Lapp in Pand geven. 1334 weer dat mit dat Klooster toenn, de Nunnen sünd mit dat Klooster na Niewohl ümtagen. 1348 warrt de Oort denn in en annere Oorkunn al Oldenwolde nöömt.

1885 is Olenwoold tohoop mit dat ganze Amt Dorum Deel von’n Landkreis Leh worrn. As de Kreis Leh 1932 denn Deel von’n Landkreis Wersermünn worrn is, hett dat Dörp dat nich mitmaakt un is an’n Landkreis Hadeln kamen.

An’n 1. Juli 1968 is de Gemeen Olenwoold mit Franzenborg, Godendörp un Ox tohoopgahn un an’n 1. Juli 1972 is Olenwoold denn Deel von de Gemeen Cuxhoben worrn.

Inwahnertall[ännern | Bornkood ännern]

Johr Inwahners
1824-00-00 1824[1] 58 Füürsteden
1848-00-00 1848[2] 303 Lüüd. 63 Hüüs
1858-00-00 1858[3] 318
1890-00-00 1890[4] 419
1910-12-011. Dezember 1910[5] 683
1925-00-00 1925[4] 753
1933-00-00 1933[4] 905
1939-00-00 1939[4] 1.062
2006-12-3131. Dezember 2006 6.603

Religion[ännern | Bornkood ännern]

Olenwoold is evangeelsch präägt un billt mit de Krüüzkark en egen Kaspel. De ole Kark, de na Cosmas un Damian nöömt weer, is 1789 afreten worrn. An de sülve Steed hebbt se denn 1791 de hüdige Krüüzkark boot.

Wapen[ännern | Bornkood ännern]

Dat Wapen wiest op gollen Grund dree gröne Dannen, de op en grönen Schildfoot staht. Op’n Schildfoot is ok noch en sülvern Urn to sehn.

Oortsbörgermeesters[ännern | Bornkood ännern]

Börgermeesters:

  • 1957–1971: Karl Ahlf
  • 1971-30. Juni 1972: Wolfgang Geiger

Oortsbörgermeesters:

  • 1. Juli 1972-1991: Wolfgang Geiger
  • 1991-1996:
  • 1996-2001: Wolfgang Geiger
  • 2001-2011: Werner Demuth
  • 2011-: Ingo Grahmann[6]

Militär[ännern | Bornkood ännern]

Von 1892 af an is de Heid bi Olenwoold för Manövers von dat Militär bruukt worrn. Von 1912 af an hebbt se de Heid denn ok för Tests von Schippskanonen bruukt. In’n Eersten Weltkrieg weer dor en Küstenbatterie opstellt un in’n Tweten Weltkrieg en Flak-Kanoon. 1944/1945 hett dat ok Raketentests geven.

1957 hett de Bundswehr in Olenwoold de Hinnerk-Willem-Kopp-Kasern apenmaakt.

Kultur[ännern | Bornkood ännern]

Op’n Karkhoff in Olenwoold gifft dat en Denkmaal för de Fullenen ut de twee Weltkrieg’[7].

Verenen[ännern | Bornkood ännern]

De Schützenvereen is 1924 grünnt worrn un de Freewillige Füürwehr an’n 26. Januar 1935.

Partnerschoppen[ännern | Bornkood ännern]

Olenwoold hett 1988 en Partnerschop mit Saint Avé in de Bretagne anfungen.

Infrastruktur[ännern | Bornkood ännern]

Verkehr[ännern | Bornkood ännern]

Olenwoold liggt an de Landsstraat 135 (de fröher Deel von de Bundsstraat 6 weer), de in’n Noorden na de Bundsstraat 73 ranlöppt. De B 73 geiht in’n Noorden na Cuxhoben un is in’n Oosten mit de Opfohrt 2 an de Autobahn 27 anbunnen. In’n Süden löppt de L 135 na Wusterheid un Millm. In’n Noordwesten löppt de Kreisstraat 3 na Holt un Spangen.

De nächste Bahnhoff is in Cuxhoben an de Bahnlien Bremen-Cuxhoben un de Nedderelvbahn na Hamborg, wat so bi söss Kilometer weg is. Fröher harr dat Dörp ok en egen Bahnhoff an de Lien Bremen-Cuxhoben (1896 boot), 1990 hebbt de Töög aver ophöört dor to stoppen.

Olenwoold höört ok to de Öörd, de tweesprakige Oortsschiller mit’n plattdüütschen un hoochdüütschen Naam kregen hebbt.

Scholen[ännern | Bornkood ännern]

De eerste School bi dat Klooster Olenwoold kummt 1487 in de Oorkunnen vör. Vondaag gifft dat de Grundschool Olenwoold un as Realschool de Geschwister-Scholl-School.

Ünnernehmens[ännern | Bornkood ännern]

In de Hauptstraat hett de Volksbank Stood-Cuxhoben en Filiaal.

Literatur[ännern | Bornkood ännern]

  • Hinrich Alpers: Altenbruch - einst und jetzt: ein Wegweiser. Cuxhoben 1974

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 16: http://books.google.de/books?id=tG0AAAAAcAAJ&pg=PA16
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 147: http://books.google.de/books?id=eOI-AAAAcAAJ&pg=PA147
  3. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  4. 4,0 4,1 4,2 4,3 http://www.verwaltungsgeschichte.de/hadeln.html
  5. http://www.gemeindeverzeichnis.de/gem1900/gem1900.htm?hannover/lehe.htm
  6. http://www.cuxhaven.de/staticsite/staticsite.php?menuid=43&topmenu=13
  7. http://www.denkmalprojekt.org/dkm_deutschland/cuxhaven-altenwalde_wk1u2_ns.htm

Weblenken[ännern | Bornkood ännern]