Worth (Cuxhoben)

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Worth
Worth
Laag vun Worth in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Flach: 37,25 km²
Inwahners: 1.768 (2011-04-00 April 2011)
Inwahnerdicht: 47,5 Inwahners pro km²
Postleettall: 27478
Vörwahl: 04724
Geograafsche Laag:
Koordinaten:53° 48′ N, 8° 45′ O
53° 48′ N, 8° 45′ O
Luftbild (Mai 2012)
Luftbild von de Windmöhl

De Worth (hoochdüütsch Lüdingworth) is en Oort in de Gemeen Cuxhoben in’n Landkreis Cuxhoben, Neddersassen.

Geografie[ännern | Bornkood ännern]

De Worth liggt in de Masch von de Elv, so bi fiev Kilometer von’n Stroom af.

De Naverdörper sünd Olenbrook in’n Noorden, Süderwisch un Oostergehren in’n Oosten, de Lee in’n Süüdoosten, Füürsteed, Seehusen un Köstersweg in’n Süden, Ox in’n Süüdwesten, Godendörp, Franzenborg un Olenwoold in’n Westen un Groden in’n Noordwesten.

Historie[ännern | Bornkood ännern]

De Worth kummt 1298 toeerst in de Oorkunnen vör. De Naam kummt von de Worten, op de de Oort boot is.

De Worth hett fröher to dat egenstännige Land Hadeln tohöört keem 1852 an dat Amt Oterndörp. 1885 denn an’n Kreis Hadeln un 1932 an’n Kreis Land Hadeln. 1977 is dat Deel von’n Landkreis Cuxhoben worrn.

In’n Eersten Weltkrieg sünd 55 Soldaten ut de Worth fullen oder vermisst un in’n Tweten Weltkrieg 153[1].

An’n 1. Juli 1972 is de Worth denn Deel von de Gemeen Cuxhoben worrn.

Inwahnertall[ännern | Bornkood ännern]

Johr Inwahners
1824-00-00 1824[2] 348 Füürsteden
1848-00-00 1848[3] 2.134 Lüüd. 343 Hüüs
1858-00-00 1858[4] 1.909
1885-00-00 1885[5] 1.573
1910-12-011. Dezember 1910[6] 1.456
1925-00-00 1925[5] 1.588
1933-00-00 1933[5] 1.514
1939-00-00 1939[5] 1.431
2011-04-00 April 2011 1.768

Religion[ännern | Bornkood ännern]

De Worth is evangeelsch präägt un billt mit de St.-Jacobi-Kark en egen Kaspel.

Wapen[ännern | Bornkood ännern]

Dat Wapen wiest op blauen Grund op en gollen Dreebarg in’n Schildfoot en sülvern Rieder op en Peerd mit roden Rock, rood Leid un rood Sadel un mit gollen Hoor un Stevel un dat Peerd mit gollen Hööv. In de rechte Hand höllt de Rieder en Schultenstaff. Dat Wapen kummt von dat ole Segel von dat Kaspelgericht, de Dreebarg steiht för de Woort, op de de Oort steiht un na de de Oort sien Naam hett.

Oortsbörgermeesters[ännern | Bornkood ännern]

  • opstunns: Thomas Brunken[7]

Kultur[ännern | Bornkood ännern]

Op’n Karkhoff in de Worth gifft dat en Denkmaal för de Fullenen ut de twee Weltkrieg’.

Partnerschoppen[ännern | Bornkood ännern]

De Worth hett 1998 en Partnerschop mit Elven in Frankriek anfungen.

Infrastruktur[ännern | Bornkood ännern]

Verkehr[ännern | Bornkood ännern]

De Worth liggt an de Kreisstraat 9, de in’n Noordwesten na Olenwoold löppt un in Süüdoosten na Ne’enkarken. De K 9 warrt von de K 5 krüüzt, de in’n Noorden an de Bundsstraat 73 ran un na Olenbrook geiht un in’n Süden na Wannen. Von de K 9 geiht ok noch de K 10 af, de na de Lee löppt. Dör dat Westerenn von de Worth löppt de Autobahn 27, op de de Oort aver keen direkte Opfohrt hett, bloots indirekt över Olenwoold un de B 73.

De nächsten Bahnhööv sünd in Cuxhoben an de Bahnlien Bremen-Cuxhoben un de Nedderelvbahn un in Oterndörp an de Nedderelvbahn.

Scholen[ännern | Bornkood ännern]

De Worth hett en egen Grundschool.

Lüüd[ännern | Bornkood ännern]

De Mathematiker un Kartograaf Carsten Niebuhr is 1733 in de Worth boren. Ok de Bildhauer un Malers Albert Hinrich Hußmann (1874) un de Heimatforscher Gerhard Gerdts (1882) sünd ut de Worth.

Literatur[ännern | Bornkood ännern]

  • Hinrich Gerkens: Chronik des Kirchspiels Lüdingworth. Geschichts- und Heimatverein Lüdingworth, 2000

Footnoten[ännern | Bornkood ännern]

  1. http://www.denkmalprojekt.org/dkm_deutschland/luedingworth_nsachs.htm
  2. C. H. Jansen: Statistisches Handbuch des Königreichs Hannover. 1824, Sied 384: http://books.google.de/books?id=tG0AAAAAcAAJ&pg=PA384
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 156: http://books.google.de/books?id=eOI-AAAAcAAJ&pg=PA156
  4. Franz Heinrich Ungewitter: Neueste Erdbeschreibung und Staatenkunde. 1858, Sied 422: http://books.google.de/books?id=ZkoNAQAAIAAJ&pg=PA422
  5. 5,0 5,1 5,2 5,3 http://www.verwaltungsgeschichte.de/hadeln.html
  6. http://www.gemeindeverzeichnis.de/gem1900/gem1900.htm?hannover/hadeln.htm
  7. http://www.cuxhaven.de/staticsite/staticsite.php?menuid=43&topmenu=13

Weblenken[ännern | Bornkood ännern]