Oterndörp

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Oterndörp
Oterndörp
Laag vun Oterndörp in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Oterndörp
Inwahners:
Hööchd: 2 m över NN
Postleettall: 21751
Vörwahl: 21762
Geograafsche Laag:
Koordinaten:53° 48′ N, 8° 54′ O
53° 48′ N, 8° 54′ O
Luftbild von Oterndörp (2012)
De Otterborn vör dat Raadhuus

Oterndörp (hoochdüütsch Otterndorf) is en Stadt in de Gemeen Oterndörp in’n Landkreis Cuxhoben, Neddersassen. Dat liggt in Hadeln.

Geografie[ännern | Bornkood ännern]

Oterndörp liggt an de Medem, in de Masch von de Elv, von de de Oort so bi een Kilometer von af is. De Haadler Kanaal münnt bi Oterndörp in de Elv.

De Naverdörper sünd Nackenbüttel un Belum in’n Noordoosten, Oosterbrook un Kedenbrook in’n Süüdoosten, Ne’enkarken in’n Süden, Süderwisch in’n Süüdwesten, Aßel in’n Westen un Müggendörp in’n Noordwesten.

Historie[ännern | Bornkood ännern]

De Oort kummt 1261 toeerst in de Oorkunnen vör. Dor warrt von en Keerl snackt, de Godefridus, plebanus in Otterentorpe (plebanus heet Preester) heten hett. Oterndörp hett 1400 von Hertog Erik IV. de Stadtrechten kregen.

Vör 1852 hett Oterndörp to dat Land Hadeln höört un is denn as egenstännig Stadt von’n Rest von Hadeln aftrennt worrn, de denn dat Amt Oterndörp billt hett. 1885 is Oterndörp wedder mit dat Amt Oterndörp tohoopgahn un hett den Kreis Hadeln billt. 1932 is dat denn Deel von’n Landkreis Land Hadeln worrn un 1977 von’n Landkreis Cuxhoben.

Von 1970 af an hett Oterndörp to de Samtgemeen Hadeln höört, de an’n 1. Januar 2011 tohoop mit de Samtgemeen Siedland de ne’e Samtgemeen Land Hadeln billt hett.

In’n Eersten Weltkrieg sünd 19 Soldaten ut Oterndörp fullen oder vermisst un in’n Tweten Weltkrieg 34[1].

Inwahnertall[ännern | Bornkood ännern]

Johr Inwahners
1824-00-00 1824[2] 345 Füürsteden
1848-00-00 1848[3] 1.829 Lüüd. 380 Hüüs
1910-12-011. Dezember 1910[4] 1.937
1925-00-00 1925[5] 1.902
1933-00-00 1933[5] 3.869
1939-00-00 1939[5] 4.062

Religion[ännern | Bornkood ännern]

Severikark

Oterndörp is evangeelsch präägt un billt mit de Severikark, de as Buurdoom gellt, en egen Kaspel. För de Kathoolschen is de Hillig-Krüüz-Kark tostännig. Ans gifft dat noch de Neeapostoolsche Kark Oterndörp.

Wapen[ännern | Bornkood ännern]

Dat Wapen von Oterndörp wiest links teihn swarte un gollen Striepen mit en schraag bagen grönen Rutenkranz dor op un rechts en gollen Otter op blauen Grund un grönen Schildfoot.

De linke Deel is dat Sassen-Wapen, de rechte Deel steiht as Symbol för den Naam von’n Oort.

Kultur[ännern | Bornkood ännern]

In Oterndörp gifft dat en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Freewillige Füürwehr is an’n 1. Dezember 1880 grünnt worrn un dat Schützencorps 1863.

Weertschop un Infrastruktur[ännern | Bornkood ännern]

Oterndörp is Grundzentrum mit middelzentrale Deelfunkschonen för de Öörd in de Ümgegend.

För de Weertschop is ünner annern de Tourismus wichtig.

Verkehr[ännern | Bornkood ännern]

Oterndörp liggt an de Bundsstraat 73, de in’n Oosten na Belum, Neehuus un Kumbarg geiht un in’n Westen na Olenbrook un Cuxhoben. Üm Oterndörp rüm geiht nu de B 73n as Ümgehungsstraat, disse Straat is 2009 trech worrn. In’n Noordwesten löppt de Kreisstraat 4 över Müggendörp un Wehldörp na Olenbrook. De Landsstraat 118 löppt in’n Süden na Ne’enkarken un denn na de Lee un Wannen. De Kreisstraat 16 geiht in’n Süüdoosten na Oosterbrook.

De Oort hett en Bahnhoff an de Nedderelvbahn, de 1881 apenmaakt hett.

Scholen[ännern | Bornkood ännern]

Oterndörp hett en egen Grundschool. Na Gymnasium gaht de Schölers op dat Gymnasium Oterndörp, na Realschool op de Johann-Heinrich-Voß-School un na Hauptschool op de Hauptschool Oterndörp.

Medien[ännern | Bornkood ännern]

Funktoorn Oterndörp

In Oterndörp sitt de Niederelbe-Zeitung.

De Noorddüütsche Rundfunk hett in Oterndörp en Korrespondentenbüro.

In’n Westen liggt de Funktoorn Oterndörp, de 95 m hoog is.

Ünnernehmens[ännern | Bornkood ännern]

In de Wallstraat hett de Volksbank Stood-Cuxhoben en Filiaal.

Lüüd[ännern | Bornkood ännern]

Johann Heinrich Voss weer von 1778 bet 1782 Rekter von de Latienschool in Oterndörp. De Snittjer Jürgen Heydtmann hett in Oterndörp sien Warksteed hatt. De NS-Funkschonäär Helmuth Friedrichs is 1899 in Oterndörp boren.

De Politiker un Börgermeester von de Gemeen Oterndörp, Claus Johannßen, is ok in Oterndörp boren un grootworrn.

Ehrenbörgers[ännern | Bornkood ännern]

Literatur[ännern | Bornkood ännern]

  • Rudolf Lembcke: Otterndorf. Hamborg 1978
  • Axel Behne (Rutgever): Otterndorf. 600 Jahre Stadtgeschichte. Cuxhoben 2000

Footnoten[ännern | Bornkood ännern]

  1. http://www.denkmalprojekt.org/2011/otterndorf_wk1u2_ns.html
  2. C. H. Jansen: Statistisches Handbuch des Königreichs Hannover. 1824, Sied 476: http://books.google.de/books?id=tG0AAAAAcAAJ&pg=PA476
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 155: http://books.google.de/books?id=eOI-AAAAcAAJ&pg=PA155
  4. http://www.gemeindeverzeichnis.de/gem1900/gem1900.htm?hannover/hadeln.htm
  5. 5,0 5,1 5,2 http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Oterndörp. Mehr Biller, Videos oder Audiodateien to’t Thema gifft dat bi Wikimedia Commons.