Sahlenborg

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Sahlenborg
Sahlenborg
Laag vun Sahlenborg in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Flach: 9,39 km²
Inwahners: 3.578 (2006-12-3131. Dezember 2006)
Inwahnerdicht: 381 Inwahners pro km²
Postleettall: 27476
Vörwahl: 04721
Geograafsche Laag:
Koordinaten:53° 52′ N, 8° 38′ O
53° 52′ N, 8° 38′ O
Sahlenburg (2012)
Blick op dat Wadd vör Sahlenborg
Hooghüüs in Sahlenborg

Sahlenborg (hoochdüütsch Sahlenburg) is en Oort in de Gemeen Cuxhoben in’n Landkreis Cuxhoben, Neddersassen.

Geografie[ännern | Bornkood ännern]

Sahlenborg liggt op de Geest bi de Noordsee un de Neddersassische Waddensee un in de Cuxhobener Küstenheid. De Wernerwald liggt in’n Süüdoosten.

De Naverdörper sünd Duhnen un Döös in’n Noordoosten, Cuxhoben un Westerwisch in’n Oosten, Süderwisch, Spangen un Holt in’n Süüdoosten un Arensch in’n Süüdwesten.

Historie[ännern | Bornkood ännern]

Toeerst in de Oorkunnen kummt de Sahlenborg, wat en Borg von de Herrn von Lapp wesen is, an’n 19. Juli 1325 vör, as Wolderik Lapp in en Verdrag toseggt, dat he nich mehr gegen Jan von Stotel un Luder von Wersebe angahn will. De Lapps sünd denn aver so üm un bi 1400 na de Borg Ritzbüttel wegtrocken.

1394 warrt de Oort tohoop mit Döös, Stickenbüttel, Duhnen, Steenmarn un Ritzbüttel an Hamborg verköfft.

In’n Eersten Weltkrieg sünd twölv Soldaten ut Sahlenborg fullen oder vermisst, un in’n Tweten 117[1].

Sahlenborg hett noch bet to’n Groot-Hamborg-Gesett (1. April 1937) to Hamborg tohöört. Denn is dat Deel von’n Kreis Land Hadeln worrn. An’n 1. Juli 1963 is Sahlenborg mit Holt-Spangen to en Samtgemeen tohoopgahn un an’n 1. Juni 1970 is Sahlenborg denn Deel von de Gemeen Cuxhoben worrn.

Inwahnertall[ännern | Bornkood ännern]

Johr Inwahners
1826-00-00 1826[2] 87 Inwahners. 20 Hüüs
1847-00-00 1847[3] 114
1866-12-033. Dezember 1866[4] 142
1871-12-011. Dezember 1871[5] 131
1910-12-011. Dezember 1910[6] 371
1925-00-00 1925[7] 414
1933-00-00 1933[7] 453
1939-00-00 1939[7] 837
2006-12-3131. Dezember 2006 3.578

Religion[ännern | Bornkood ännern]

Sahlenborg is evangeelsch präägt un billt mit de Johannes-Kark en egen Kaspel.

Wapen[ännern | Bornkood ännern]

Dat Wapen wiest baven op blauen Grund en sülvern Meev mit gollen Snavel un Fööt. Ünnen, dor Wellesnidd afdeelt, wiest dat op sülvern Grund en rode Müür.

Oortsbörgermeesters[ännern | Bornkood ännern]

Börgermeesters:

  • –1951: Hans Claußen

Oortsbörgermeesters:

  • opstunns: Herbert Kihm[8]

Kultur[ännern | Bornkood ännern]

In Sahlenborg gifft dat en Denkmaal för de Fullenen ut de twee Weltkrieg’.

Infrastruktur[ännern | Bornkood ännern]

Verkehr[ännern | Bornkood ännern]

Sahlenborg is över de Kreisstraat 2 in’n Süüdoosten mit Spangen verbunnen un in’n Noordoosten denn wieder över de K 3 mit Cuxhoben un Duhnen. Ans gifft dat noch en lüttjere Straat na Arensch.

De nächste Bahnhoff is in Cuxhoben an de Bahnlien Bremen-Cuxhoben un an de Nedderelvbahn.

Scholen[ännern | Bornkood ännern]

De Grundschool Sahlenborg is 1951 boot worrn un hett vondaag so üm un bi 150 Schölers.

Footnoten[ännern | Bornkood ännern]

  1. http://denkmalprojekt.org/2012/sahlenburg_stadt-cuxhaven_wk1_wk2_ns.html
  2. Neue allgemeine geographische und statistische Ephemeriden, Band 19. 1826, Sied 368: http://books.google.de/books?id=zRtDAAAAcAAJ&pg=PA368
  3. Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 194: http://books.google.de/books?id=sHoAAAAAcAAJ&pg=PA194
  4. Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
  5. Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ
  6. http://www.gemeindeverzeichnis.de/gem1900/gem1900.htm?hamburg/ritzebuettel.htm
  7. 7,0 7,1 7,2 http://www.verwaltungsgeschichte.de/hadeln.html
  8. http://www.cuxhaven.de/staticsite/staticsite.php?menuid=43&topmenu=13