Döös

Vun Wikipedia

Dit Woort hett noch annere Bedüden: kiek dorför ünner Döös (Keden).

Wapen/Flagg Koort
Wapen unbekannt
Döös
Laag vun Döös in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners: 12.773 (2006-12-3131. Dezember 2006)
Postleettall: 27476
Vörwahl: 04721
Geograafsche Laag:
Koordinaten:53° 53′ N, 8° 40′ O
53° 53′ N, 8° 40′ O
DuhnenDöösStickenbüttelCuxhobenSüderwisch-WesterwischGroden (Oort)Worth (Cuxhoben)Olenbrook (Landkreis Cuxhoben)Holt-SpangenSahlenborgOlenwooldArensch-Berensch
Laag von Döös in de Gemeen Cuxhoben (Koort lett sik anklicken)

Karte

Luftbild von Duhnen, Döös un Stickenbüttel, Döös is ganz baven (2012)
De Kugelbaak

Döös (hoochdüütsch Döse) is en Oort in de Gemeen Cuxhoben in’n Landkreis Cuxhoben, Neddersassen.

Geografie[ännern | Bornkood ännern]

Döös liggt an de Noordsee ganz an de Noordspitz von dat Elv-Werser-Dreeeck un an’n Trechter von de Elvmünn (Grimmershörnbucht). De Eilannen Neewark un Scharhörn liggt na’n Noordwesten to.

De Naveröörd sünd Cuxhoben in’n Süüdoosten, Westerwisch un Süderwisch in’n Süden, Stickenbüttel in’n Süüdwesten un Duhnen in’n Westen.

Historie[ännern | Bornkood ännern]

De eerste Oort op dat hüdige Rebeed von Döös weer Steenmarn. Steenmarn liggt in’n Westen von dat hüdige Zentrum von Döös. Döös hett sik denn as Regendörp langs’n Diek na Cuxhoben hen billt. Mit de Tied is Döös denn aver wussen, de Öörd tohoopwussen un Döös weer denn de Naam för beide Öörd.

Dat eerst Maal in de Oorkunnen kummt Döös 1394 vör, as de beiden Delen Ooster- un Wester-Döös tohoop mit Duhnen, Stickenbüttel, Sahlenborg, Steenmarn un Ritzbüttel an Hamborg verköfft worrn sünd.

Von 1869 af an is dat Fort Kugelbaak un von 1872 af an dat Fort Grimmerhörn an de Noordseeküst bi Döös anleggt worrn.

Döös is an’n 1. Mai 1905 mit de Gemeen Cuxhoben tohoopleggt worrn. Cuxhoben un Döös hebbt noch bet to’n Groot-Hamborg-Gesett (1. April 1937) to Hamborg tohöört. Denn sünd se Deel von dat Amt Ritzbüttel in’n Kreis Land Hadeln worrn.

Strand un Watt bi Döös

Döös billt vondaag tohoop mit Duhnen un Cuxhoben en Strandbad an de Noordsee un is mit disse Öörd deelwies tohoopwussen. Ok dat Wohrteken von Cuxhoben, de Kugelbaak, steiht op dat Rebeed von Döös.

De Oort is nu vör allen dör den Tourismus präägt un hett en Barg Hotels, Pensionen un Gastronomie. De Waddensee is as Deel von de Natschonalparks Neddersassisch Wattensee un Hamborgsch Wattensee besünners schuult.

Inwahnertall[ännern | Bornkood ännern]

Johr Inwahners
1826-00-001826[1] 510
1847-00-001847[2] 539
1866-12-033. Dezember 1866[3] 679
1871-12-011. Dezember 1871[4] 704
1900-12-011. Dezember 1900[5] 2.155
1905-00-001905 2.230
2006-12-3131. Dezember 2006 12.773

Religion[ännern | Bornkood ännern]

Sankt-Gertrud-Kark

Döös is evangeelsch-luthersch präägt un billt mit de Sankt-Gertrud-Kark en egen Kaspel. De Kark in Steenmarn kummt 1452 toeerst in de Oorkunnen vör, dat hüdige Karkenhuus is von 1886. De 1944 tweibummte Karktoorn is 1965 nee boot worrn.

Kultur[ännern | Bornkood ännern]

In Döös gifft dat en Anlaag mit Soldatengräver ut’n Eersten Weltkrieg, op den alltohoop 121 Mariners liggen doot.

Weertschop un Infrastruktur[ännern | Bornkood ännern]

Döös hett von dat Land Neddersassen dat Prädikat Noordseeheelbad kregen.[6]

Ünnernehmens[ännern | Bornkood ännern]

In de Straat Bi de Kark harr de Volksbank Stood-Cuxhoben en Filiaal, de an’n 28. April 2017 dichtmaakt hett.

Verkehr[ännern | Bornkood ännern]

De nächste Bahnhoff is de Bahnhoff Cuxhoben an de Nedderelvbahn na Hamborg un de Bahnlien Bremen-Cuxhoben, wat so bi dree Kilometer weg is.

Footnoten[ännern | Bornkood ännern]

  1. Neue allgemeine geographische und statistische Ephemeriden, Band 19. 1826, Sied 368: http://books.google.de/books?id=zRtDAAAAcAAJ&pg=PA368
  2. Franz Heinrich Neddermeyer: Zur Statistik und Topographie der Freien und Hansestadt Hamburg und deren Gebietes. 1847, Sied 190: http://books.google.de/books?id=sHoAAAAAcAAJ&pg=PA190
  3. Statistik des Hamburgisches Staats. Ergebnisse der Volkszählung vom 3ten December 1866. S. 44, http://books.google.de/books?id=C6Q5AQAAIAAJ
  4. Statistik des Hamburgisches Staats. Ergebnisse der Volkszählung vom 1. Dezember 1871. S. 78, http://books.google.de/books?id=C6Q5AQAAIAAJ
  5. http://www.gemeindeverzeichnis.de/gem1900/gem1900.htm?hamburg/ritzebuettel.htm
  6. Staatlich anerkannte Kur- und Erholungsorte in Niedersachsen

Weblenken[ännern | Bornkood ännern]

Döös. Mehr Biller, Videos oder Audiodateien to’t Thema gifft dat bi Wikimedia Commons.