Indian Creek (Sibun River)

Vun Wikipedia
(wiederwiest vun Yaha Creek)
Indian Creek
Laag Belize
Stroomsystem Sibun River
Läng 36 km
Born bi Hummingbird Community
Münn bi Frank’s Eddy in’n Sibun River
linke Blangenströöm Yaha Creek

De Indian Creek is en 36 Kilometer langen Stroom in Belize, de in’n Sibun River münnt.

He hett sien Born in de Noordoost-Utlöpers von de Maya-Bargen en Stück in’n Noordwesten von’n Oort Hummingbird Community in’n Distrikt Stann Creek (annerthalv Kilometer af von’n Hummingbird Highway). Von dor flütt he na Noorden un verlett na acht Kilometer den Distrikt Stann Creek. He billt nu bet an siene Münn de Grenz twüschen de Distrikte Cayo un Belize. Rechts von’n Stroom liggt hier de Oort Bird Walk.

Von links münnt de teihn Kilometer lange Yaha Creek in’n Indian Creek. In de Neegd von de Öörd Frank’s Eddy, St. Matthew’s un Mahogany Heights (de George Price Highway is veer Kilometer af) münnt de Stroom denn in’n Sibun, de later in de Karibische See flütt.

Dat Land langs den Stroom weer bet in dat 20. Johrhunnert allens Oorwoold, aver besünners an’n Born un an de Münn in de Neegd von de Highways is in de vergangen Johrteihnten veel Holt afhaut worrn för Feller un Plantaaschen. Besünners de Anlaag von de Mennisten-Kolonie Bird Walk 2011 schall woll dorto föhren, dat in de Region noch mehr Holt afhaut warrt.

Dat Rebeed in’n Distrikt Stann Creek is as Deel von de Manatee Forest Reserve schuult. De Middelloop liggt denn an’n Five-Blues-Lake-Natschonaalpark. An de Münn raakt de Stroom noch wedder an de Manatee Forest Reserve.


Koordinaten:17° 16′ N, 88° 34′ W