Mennisten
Mennisten (Plautdietsch Menniste(n), Pennsylvaniadüütsch Mennischte) sünd ethnische Mennoniten. Dat heet Lüüd, de nich bloots von de Religioon her Mennoniten sünd, man ook na Spraak un Kultuur en egen Grupp sünd, de sik von de Lüüd verscheelt, mank de se leevt.
Von de Spraak snackt de meersten Mennisten Plautdietsch oder Pennsylvaniadüütsch. Von de Kultur her leevt en groten Deel von de Mennisten in Kolonien, de von Bueree präägt sünd. Mank de Mennisten givt dat verscheden Ünnergruppen, de sik in jemeer Levensstil ünnerscheedt. Welk bruukt keen moderne Technologie, wieldes dat ok annere Gruppen giv, de nix gegen Technologie hebbt. Annere Mennisten, to’n Bispeel de, de na Düütschland gaan sünd, hebbt düssen Levensstil aver nich mehr.
Historie
[ännern | Bornkood ännern]Up’t wiedeste verbreid sind de Russland-Mennoniten un pennsyvlaniadüütschen Mennisten. De Russland-Mennoniten weren ene Volks- un Religioonsgrupp in Preußen un Süüdrussland (vandaag höört dat to de Ukraine). Se kemen uut Flannern, Freesland un Noorddüütschland un breiden sik läter weltwied uut. Se spreekt Plautdietsch, wat van den preußschen Dialekten afstammt. De anner grote Gruppe sind de pennsylvaniadüütschen Mennisten, de uut de Swiez un Süüddütschland na Noordamerika komen sind.[1][2]
Jaarhunnerde lang hebbt Mennisten bloot anner Lüüd uut de egen Gruppe freet, so dat se Traditschonen un de egen Spraak bewaren. Ook wenn, besunners sied de 1950-er Jaren, vele Dusend Minschen in Afrika, Indien oder Indonesien in mennonitsche Karken intreden sind un dat vandaag meer konverteerte Mennoniten as ethnische Mennisten givt,[3] tellt düsse Konverteerten wal de Relgioon na as Mennoniten, man nich as Mennisten, wat ene ethno-religöse Gruppe is.
Welke Gruppen konservative Mennisten, so as de pennsylvaniadüütschen Mennoniten Alter Ordnung oder de plautdieschen Altkolonier-Mennoniten leent so as de bekannteren Amischen moderne Technik oder ook Autos af. Mennisten, de sik an de Kultuur ümto anpasst hebbet, hebbet meest dat Plautdietsche oder Pennsylvaniadüütsche upgeven. Mennisten sind man faken noch an typschen Achternamen ruutokennen. As ethnisch mennonitsch betektent sik deelwiese ook Mennisten, de eer Relgioon nich meer uutöven doot, man up eer Afkumst henwiesen wült.[4][5][6][7][8]
Biller
[ännern | Bornkood ännern]-
Plautdietsche Mennisten as Fischers op’n New River in Belize -
Plautdietsche Mennisten in Campeche, Mexiko -
Ene Kutsche, de konservative pennsylvaniadüütsche Mennisten, de Fuhremennischte, ook vandaag noch föört.
Literatuur
[ännern | Bornkood ännern]- Francis, E. K. "The Russian Mennonites: From Religious to Ethnic Group." American Journal of Sociology Vol. 54, No. 2 (Sep., 1948), pp. 101–107.
- Loewen, Royden. "The Poetics of Peoplehood: Ethnicity and Religion among Canada's Mennonites," in Paul Bramadat and David Seljak, Christianity and Ethnicity in Canada, University of Toronto Press, 2008.
- Redekop, John H. A People Apart: Ethnicity and the Mennonite Brethren, Hillsboro, KS: Kindred Press, 1987.
Nawiesen
[ännern | Bornkood ännern]- ↑ Staples, and, John R.; Toews, John B. Nestor Makhno and the Eichenfeld Massacre: A Civil War Tragedy in a Ukrainian Mennonite Village.
- ↑ Ethnicity. gameo.org.
- ↑ World Mennonite Membership Distribution. gameo.org.
- ↑ MWR : Stop using the term 'ethnic Mennonite'. mennoworld.org.
- ↑ A Response from an "Ethnic Mennonite" – "Stop using the term" - Abnormal Anabaptist. Abnormal Anabaptist.
- ↑ Mennonites or Ethnonites?. anabaptistly (26 February 2013).
- ↑ "The Mennonite Game" at Mennonite Historical Society of Canada.
- ↑ Just who are the 'Racial/Ethnic' Mennonites?. Young Anabaptist Radicals (23 March 2007).