Gemeen Wischhoben

Wapen/Flagg

Koort

Basisdaten

Bundsland: Neddersassen

Samtgemeen: Noordkeden

Flach:

33,68 km²

Inwahners:

3080 (31. Dezember 2023)

Postleettall:

21737

Vörwahl:

04770

Geograafsche Laag:

Koordinaten:53° 46′ N, 9° 19′ O53° 46′ N, 9° 19′ O

Grenzen bi OSM:

446464

Öörd in de Gemeen:

5

Börgermeester:

Bernd Tietje (CDU)

Websteed:

www.nordkehdingen.de

Koort

Kreis

Wischhoben (hochdüütsch Wischhafen) is en Gemeen in de Samtgemeen Noordkeden (Landkreis Stood, Neddersassen) mit 3080 Inwahners (Stand 31. Dezember 2023).

Geografie

In’n Noordoosten von de Gemeen is de Elv (mit de sleswig-holsteenschen Gemenen Wewelsfleet, Borsfleet, Bloomsche Wildnis un Glückstadt op dat annere Över). In’n Oosten un Süden liggt de Gemeen Drochters, in’n Süüdwesten de Gemeen Oosten un in’n Noorden de Gemenen Öderquart un Freeborg.

Gemeenindelen

Wischhoben besteiht ut de Öörd Wischhoben, Hamelwöörden, Neeland, Neelannermoor, Wulfsbrokermoor un Hamelwöördenermoor.

Historie

De Gemeen hett fröher Gemeen Hamelwöörden heten un güng trügg op dat Kaspel von de Dionysius-Kark Hamelwöörden, dat ok en polietschen Verband billt hett. Bet 1928/1929 weer Neeland noch en egenstännige Gemeen, is denn aver mit Hamelwöörden tohoopslaten worrn. Dormit harr de Gemeen ehr hüdige Grött. Eerst 1962 hett sik de Naam von de Gemeen op Wischhoben ännert, von wegen dat Wischhoben de zentralere un gröttere Oort weer.

2015 hebbt de Gemeenrääd in de Samtgemeen Noordkeden beslaten, dat se as Eenheitsgemeen tohoopgahn wüllt. Dat schull to’n 1. Januar 2017 passeren.^[1] Dör en Börgerentscheid in de Gemeen Wischhoben an’n 29. November 2015 hebbt sik de Börgers von Wischhoben mit 68 % gegen de Eenheitsgemeen utspraken. Dormit weren de Plaans to Fall brocht un de Samtgemeen blifft bestahn.^[2]

Inwahnertall

Johr	Inwahners
1910-12-011. Dezember 1910^[3]	1.483
1925-00-001925^[4]	1.366
1933-00-001933^[4]	2.630
1939-00-001939^[4]	2.563
1972-12-3131. Dezember 1972^[5]	3.328
1977-12-3131. Dezember 1977^[5]	3.085
1982-12-3131. Dezember 1982^[5]	2.892
1987-12-3131. Dezember 1987^[5]	2.910
1992-12-3131. Dezember 1992^[5]	3.024
1997-12-3131. Dezember 1997^[5]	3.077
2002-12-3131. Dezember 2002^[5]	3.124
2007-12-3131. Dezember 2007^[5]	3.052
2012-12-3131. Dezember 2012^[5]	3.039

Politik

Gemeenraad

Gemeenraad
Johr \ Partei	Tall	CDU	SPD
2006	15	9	6
2011	15	8	7
2016	13	7	6

Liddmaten

2016:
CDU: Malte Bösch, Anne Grajetzki, Dietmar Grothmann, Gabriele Heinsohn, Hinnerk Heinsohn, Bernd Tietje, Horst Wilkens

SPD: Jürgen Ehlers, Sezgin Gül, Jürgen Meyer, Martina Pfaffenberger, Thomas Reuels, Jonny Röndigs

Börgermeesters

Tied	Naam	Partei
1961–1991	Richard Toborg	CDU
1991–2011	Heinrich von Borstel	SPD
2011–	Bernd Tietje	CDU

Wapen

Dat Wapen wiest op sülvern Grund en grönen Barg, de von en sülvern Bülgbalken dörflaten warrt. Doröver sünd dree Wulfangeln to sehn.

De gröne Barg wiest op de öllsten Steden in de Gemeen, de Kark un den Dörpsdeel Olendorp, hin. De Bülgbalken is en Henwies op dat Wapen vun de Familie von Drewes un Bedüdensbild for de wichtige Schipperee for de Dörper an de Elv. De Wulfsangeln wiest dorop hin, dat in den Oortsdeel Wulfsbrook de letzte Wulf in Keden fungen worrn is.

Dat Wapen wurd an’n 5. August 1948 vun’t neddersass’sche Binnenministerium tolaten un is somit offiziell.

Ehrenbörgers

Ehrenbörgers von Wischhoben sünd:

30. März 2012: Heinrich von Borstel (* 1936)

Weertschop un Infrastruktur

Wischhoben gellt na dat Regionale Ruumordnungsprogramm as Grundzentrum för de Öörd in de Ümgegend.

Literatur

Hartmut Reichert u. a.: Chronik der Gemeinde Wischhafen in twee Bänn, Stood 2001
Hamelwörden. In: Heinrich Schmidt-Barrien: Aus meinen Jungensjahren. Uthlede, Hamelwörden und Barrien. 1902 – 1917. Heide 1992, Seite 26-127; ISBN 3-8042-0572-0

Weblenken

Gemeen Wischhoben. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Gemeen (hoochdüütsch)

Footnooten

↑ Fusion auf den Weg gebracht, Stader Tageblatt an’n 22. Juli 2015
↑ Einheitsgemeinde ist gekippt, Stader Tageblatt an’n 30. November 2015
↑ http://www.gemeindeverzeichnis.de/gem1900/gem1900.htm?hannover/kehdingen.htm
↑ ^a ^b ^c http://www.verwaltungsgeschichte.de/stade.html
↑ ^a ^b ^c ^d ^e ^f ^g ^h ⁱ http://www.nls.niedersachsen.de/

Städer un Gemenen in’n Landkreis Stood

[1] Fusion auf den Weg gebracht, Stader Tageblatt an’n 22. Juli 2015

[2] Einheitsgemeinde ist gekippt, Stader Tageblatt an’n 30. November 2015

[gemeindeverzeichnis-3] ttp://www.gemeindeverzeichnis.de/gem1900/gem1900.htm?hannover/kehdingen.htm

[verwaltungsgeschichte-4] ttp://www.verwaltungsgeschichte.de/stade.html

[LSKN-5] ↑ ^a ^b ^c ^d ^e ^f ^g ^h ⁱ http://www.nls.niedersachsen.de/

[1]

[2]

[3]

[4]

[5]