Richard Toborg

Vun Wikipedia

Richard Toborg (* 28. Juli 1927 in Hamelwöördenermoor; † 5. Dezember 2014[1]) weer en düütschen Politiker von de CDU.

Toborg is 1927 in Hamelwöördenermoor boren un weer na de Volksschool op de Middelschool in Freiborg. He weer denn op dat Seminar in Hadamar, in en Wehrertüchtigungslager un hett in’n Tweten Weltkrieg Rieksarbeidsdeenst maakt. Na’n Krieg weer he in Glückstadt op dat Detlefsengymnasium un hett dor 1947 Abitur maakt. 1948 hett he den Hoff un den Kroog von siene Öllern övernahmen.

Toborg is 1963 in de CDU gahn. 1961 is he in den Raad von de Gemeen Wischhoben wählt worrn un weer dor von 1961 bet 1991 ok Börgermeester. Von 1971 bet 1996 weer he denn in’n Raad von de Samtgemeen Noordkeden un dor Viez-Börgermeester. Von 1964 bet 1993 weer he in’n Kreisdag von’n Landkreis Stood un is 1976 as Nafolger von Helmut Barwig Landraad in’n Kreis worrn. Dat is he bet 1989 bleven, as em Richard Wilke aflööst hett. In de 10. un 11. Wahlperiood von’n Landdag von Neddersassen (von’n 21. Juni 1982 bet to’n 20. Juni 1990) weer he dor een von de Afornten. He weer dor in’n Utschuss för Ümweltfragen.

Toborg hett in’n April 1988 dat Verdeenstkrüüz an’t Band von’n Verdeenstorden von de Bundsrepublik Düütschland kregen un de Gollen Ehrennadel von’n Chorverband Neddersassen-Bremen.

Toborg weer verheiraadt un hett een Kind.

Warken[ännern | Bornkood ännern]

  • Die Weihnachtsflut von 1717. 2004

Footnoten[ännern | Bornkood ännern]

  1. Wolfgang Stephan (Stader Tageblatt): Ein großer Verlust für Nordkehdingen. 9. Dezember 2014