Wehdenerdamm

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Schippdörp
Inwahners:
Postleettall:	27619
Vörwahl:	0471
Geograafsche Laag:	53° 36′ N, 8° 40′ O

Wehdenerdamm (hoochdüütsch Wehdenerdamm) is en lütten Oort in de Gemeen Schippdörp in’n Landkreis Cuxhoben, Neddersassen. De Oort höört polietsch al von öllers bi Spaden bi un is Deel von de Oortschop Spaden binnen de Gemeen.

Geografie

De Naveröörd sünd Wehden un Drangst in’n Noordoosten, Elm, Maschkamp un Laven in’n Süüdoosten, Spaden in’n Süüdwesten, Leherheid in’n Westen un Fehrmoor un Debsterbüttel in’n Noordwesten. Leherheid un Fehrmoor höört to de Stadt Bremerhoben.

Historie

Verwaltungsgeschicht

De Oort hett vör 1859 to de Vaagdie Sievern in de Böörd Debst, Amt Beers, tohöört un denn von 1859 bet 1885 to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

Wehdenerdamm hett von öllers bi de Gemeen Spaden höört. Spaden is mit de Gemeenreform in Neddersassen to’n 1. März 1974 denn Deel von de Gemeen Schippdörp worrn.

Inwahnertall

Johr	Inwahners
1848-00-001848	5 Lüüd, 1 Huus
1871-12-011. Dezember 1871	5 Lüüd, 1 Huus

Religion

Wehdenerdamm is evangeelsch-luthersch präägt un höört to dat Kaspel von de Dietrich-Bonhoeffer-Kark in Spaden. Bet 1960 harr de Oort to dat Kaspel von de Dionysius-Kark in Debst höört.

Weertschop un Infrastruktur

Verkehr

An Wehdenerdamm langs löppt de Kreisstraat 63, de in’n Süüdwesten na Spaden geiht un in’n Noordoosten na Wehden un an de Landsstraat 120 ran. Na Süüoosten geiht von de K 63 de K 61 af, de na Laven un Bramel geiht.

De nächste Autobahn is de Autobahn 27. De Opfohrt 6 Bremerhoben-Överseehavens liggt so dree Kilometer in’n Süüdwesten von Wehdenerdamm.

De nächste Bahnhoff is so bi söss Kilometer wied weg in’n Süüdwesten de Bahnhoff Leh an de Bahnlien Bremen–Cuxhoben.