Wanhöden

Wapen/Flagg

Koort

Basisdaten

8,83 km²

27637

04741

Wanhöden is en Oort in de Gemeen Noordholt in’n Landkreis Cuxhoben, Neddersassen.

Geografie

Wanhöden liggt an’n Rand von Geest (Hoge Lieth) un Moor (Wanhödener Moor). De höögste Punkt is de Wanhödener Barg mit 55 m över NN. De Emmelk hett ehren Born bi Wanhöden un flütt na Oosten, na de Medem hen. In’n Noordwesten liggt de Flegerplatz Noordholt.

De Naveröörd sünd Köstersweg in’n Noorden, Süderheid un Füürsteed in’n Noordoosten, Krümpel in’n Süden, Millm in’n Süüdwesten un Wusterheid in’n Noordwesten.

De öllste Nawies för Minschen in dat Rebeed von Wanhöden sünd de Hogensteen in’n Hogensteenforst, de in’n Süden liggt.

In de Oorkunnen kummt de Oort toeert 1509 as Wahoyen in dat Göderregister von dat Klooster Niewohl vör.

In’n Eersten Weltkrieg sünd 27 Soldaten ut Wanhöden fullen oder vermisst, un in’n Tweten 16^[1].

Wanhöden is an’n 1. Januar 1970 mit de Gemeen Noordholt tohoopleggt worrn.

Wanhöden is evangeelsch-luthersch präägt un hett fröher to dat Kaspel von de Krüüzkark in Olenwoold höört. 1973 is Wanhöden in dat Kaspel von de Kark to’n goden Heer in Noordholt wesselt.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

In Wanhöden gifft dat en Denkmaal för de Fullenen ut de twee Weltkrieg’.

De Freewillige Füürwehr is 1935 grünnt worrn un de Schüttenvereen Wanhöden un Ümgegend 1929.

Wanhöden liggt an de Kreisstraat 14, de in’n Noordwesten na Godendörp hen löppt un in’n Westen na Knill un de Landsstraat 135 ran. So bi annerthalv Kilometer von Wanhöden na Westen to liggt an de K 14 de Opfohrt 3 Noordholt op de Autobahn 27 (Afsnidd Cuxhoben–Bremerhoben). Na Süüdoosten löppt de Wanhödener Weg na de L 118 ran, de na Wannen geiht.

Rolf Schiffler: Padingbüttel und Wanhöden: ein siedlungs- und wirtschaftsgeographischer Vergleich zweier Dörfer im Landkreis Wesermünde. Ollnborg 1964

Wanhöden. Mehr Biller, Videos oder Audiodateien to’t Thema gifft dat bi Wikimedia Commons.