Viehspecken

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Viehspecken
Laag vun Viehspecken in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Vollerso
Inwahners:
Postleettall: 27729
Vörwahl: 04794
Geograafsche Laag:
Koordinaten:53° 19′ N, 8° 57′ O
53° 19′ N, 8° 57′ O

De Viehspecken (hoochdüütsch Viehspecken) is en lütten Oort in de Gemeen Vollerso (Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor direkt an de Steed, an de de Giehler Beek un de Kollbeek tohoopfleet un de Hamm billt.

De Naveröörd sünd Giehlermoor un Kuhstermoor in’n Noorden, Meinershagen un Noordsood in’n Noordoosten, Oostersood in’n Oosten, Heudorp un Huttendorp in’n Süüdoosten, Düvelsmoor, Bornrieh un Friedensheim in’n Süüdwesten, Wallhöben in’n Westen un Wallhöbenermoor, Vollerso un Ahrensdörp in’n Noordwesten.

Historie[ännern | Bornkood ännern]

De Viehspecken besteiht vondaag ut en Landgasthuus mit en Campingplatz. Dat Gasthuus höört siet 1855 de Familie Dierks to.

De Naam Viehspecken geiht trügg op Vieh (betütt sik op dat fuchtige Land langs de Hamm) un Specken. Dat betekent also en Knüppeldamm, de över de Hamm güng.

Verwaltungsgeschicht[ännern | Bornkood ännern]

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett al jümmer bi de Gemeen Wallhöben mit bihöört. Düsse Gemeen is an’n 1. April 1937 Deel von de Gemeen Vollerso worrn.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 12 Lüüd. 2 Hüüs
1885-12-011. Dezember 1885[2] 14 Lüüd. 2 Hüüs
1905-12-011. Dezember 1905[3] 28 Lüüd. 3 Hüüs

Religion[ännern | Bornkood ännern]

De Viehspecken is evangeelsch-luthersch präägt un höört to dat Kaspel von de Ansgar-Kark in Wallhöben. De Wallhöbener Kark is 1966 boot un 1997 egenstännige Karkengemeen worrn. Vörher hett de Oort to de Cosmae-un-Damiani-Kark in Hambargen tohöört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För’n Viehspecken is de freewillige Füürwehr Vollerso mit tostännig.

Verkehr[ännern | Bornkood ännern]

Över’n Viehspecken löppt de Kreisstraat 19, de in’n Westen na Wallhöben an de Bundsstraat 74 ran geiht un in’n Oosten in Oostersood an de Landsstraat 165. De B 74 föhrt von Wallhöben in’n Noordoosten över Kuhs un an Gnarrenborg langs na Bremervöör un in’n Süüdwesten över Hambargen, Oosterholt-Scharmbeek un Hu’e na Bremen-Noord. De L 165 löppt von Oostersood in’n Noordoosten na Korlshöben un in’n Süden na Huttenbusch un an de L 153.

De nächste Autobahn is de Autobahn 27 (Afsnidd BremenBremerhoben), de mit ehre verscheden Opfohrten so üm un bi 27 Kilometer von’n Viehspecken af is.

De nächste Bahnhoff is so bi twölv Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 158
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144