Tinsterholt
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27449 | |
| Vörwahl: | 04762 | |
| Geograafsche Laag: | Koordinaten:53° 30′ N, 9° 15′ O53° 30′ N, 9° 15′ O | |
|
| ||
Tinsterholt (hoochdüütsch Tinsterholz) is en lütten Oort in de Gemeen Kutenhult (Samtgemeen Freenbeek) in’n Landkreis Stood, Neddersassen. De Oort hett polietsch von öllers to Mulsen tohöört.
Geografie[ännern | Bornkood ännern]
De Oort liggt in dat Tinster Holt, dat in’n Süüdwesten in’t Horner Holt övergeiht.
Dat Water von Tinsterholt föhrt de Pulvermöhlenbeek af, de an’n Süüdrand langs flütt. In’n Noorden löppt de Oost-Swing-Kanaal langs.
De Naveröörd sünd Öölm in’n Noorden, Vörhoorn, Hogenmoor un Tinst in’n Noordoosten, Eßel in’n Oosten, Byhusen un Soors in’n Süüdoosten, Sprakel in’n Süden, Heesdörp in’n Süüdwesten un Bremervöör in’n Westen.
Historie[ännern | Bornkood ännern]
De Oort is as lüttje Kolonie mit en enkelt Huus grünnt worrn.
De Oort hett vör 1852 to de Böörd Mulsen in dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 6 Lüüd, 1 Huus |
Religion[ännern | Bornkood ännern]
Tinsterholt is evangeelsch-luthersch präägt un höört to dat Kaspel von de Petrus-Kark in Mulsen.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
In Tinsterholt gifft dat kene grötteren Straten. Lüttje Straten loopt na Sprakel an de Landsstraat 124 un na Öölm, Hogenmoor, Tinst un Heesdörp.
De nächste Autobahn is de Autobahn 26 (Afsnidd Stood–Hamborg). De Opfohrten 3 Stood-Oost un 4 Dullern doot so 30 Kilometer in’n Noordoosten von Tinsterholt liggen.
De nächste Bahnhoff is so bi veer Kilometer wied weg in’n Süüdwesten de Bahnhoff Heesdörp an de Bahnlien Buxthu–Bremerhoben.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143