Schogrinnen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27299 | |
| Vörwahl: | 04235 | |
| Geograafsche Laag: | Koordinaten:52° 58′ N, 9° 5′ O52° 58′ N, 9° 5′ O | |
|
| ||
Schogrinnen (hoochdüütsch Schogrinden) is en Hoff in de Gemeen Langwedel in’n Landkreis Veern, Neddersassen. Binnen de Gemeen höört de Hoff to Hagen-Grinnen un to de polietsche Oortschop Ädelsen.
Geografie
[ännern | Bornkood ännern]De Hoff liggt in de Masch twüschen de Werser un de Ole Aller direkt achter’n Werserdiek.
De Öörd ümto sünd Bauen un Grinnen in’n Noorden, Hagen un Olenhude in’n Noordoosten, Fössen in’n Oosten, Heemhude un Meyerwiede in’n Süüdoosten, Ahsen un Ötzen in’n Süden, Lunsen in’n Süüdwesten un Werder un Streek in’n Westen.
Historie
[ännern | Bornkood ännern]Verwaltungsgeschicht
[ännern | Bornkood ännern]De Hoff hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Hoff höört von öllers to de Buurschop un later de Gemeen Hagen-Grinnen mit bi. De Gemeen Hagen-Grinnen is an’n 1. Juli 1968 Deel von de Gemeen Ädelsen worrn, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört Schogrinnen binnen de Gemeen to de Oortschop Ädelsen, de en egen Oortsraad un Oortsbörgermeester hett.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 5 Lüüd, 1 Huus |
| 1. Dezember 1871[2] | 4 Lüüd, 1 Huus |
| 1. Dezember 1885[3] | 5 Lüüd, 1 Huus |
| 1. Dezember 1905[4] | 8 Lüüd, 1 Huus |
Religion
[ännern | Bornkood ännern]Schogrinnen is evangeelsch-luthersch präägt un höört to dat Kaspel von de Kark to’n goden Heer in Ädelsen. Düsse Kark is 1965 trech worrn. Vörher hett de Oort to dat Kaspel von de Cosmas-un-Damian-Kark in Lunsen tohöört.
För de Kathoolschen is de St.-Josef-Kark in Veern tostännig.
Weertschop un Infrastruktur
[ännern | Bornkood ännern]För Schogrinnen is de freewillige Füürwehr Cluvenhagen mit tostännig.
In Schogrinnen is ok de Fähr twüschen Hagen-Grinnen un Ahsen-Ötzen. De Fähr dükert in dat 18. Johrhunnert toeerst in de Oorkunnen op un is bet 1959 föhrt. 2001 hett sik en Fährvereen grünnt, de nu wedder en Fähr för Footgängers un Fohrradfohrers bedrifft.
Verkehr
[ännern | Bornkood ännern]Schogrinnen is dör de Werser temlich von’n Stratenverkehr afsneden. De eenzige Straat von Schogrinnen weg föhrt na Hagen un von dor över de Kreisstraat 7 na Ädelsen an de Landsstraat 158. De L 158 föhrt in’n Noordwesten över Bauen na Achem un na Bremen rin un in’n Süüdoosten över Cluvenhagen un Dauben na Langwedel un in Daulsen na de Bundsstraat 215.
De nächste Autobahn is de Autobahn 27 (Afsnidd Bremen–Wasra). De Opfohrt 24b Langwedel liggt so negen Kilometer in’n Noordoosten von Schogrinnen an de K 9.
De nächste Bahnhoff is knapp fiev Kilometer wied weg in’n Noordoosten de Bahnhoff Ädelsen an de Bahnlien Wunsdörp–Bremen.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3