Schodenbüttel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21762 | |
| Vörwahl: | 04751 | |
| Geograafsche Laag: | Koordinaten:53° 49′ N, 8° 51′ O53° 49′ N, 8° 51′ O | |
|
| ||
Schodenbüttel (hoochdüütsch Schodenbüttel) is en Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
[ännern | Bornkood ännern]De Oort liggt in de Masch von de Ünnerelv in Hadeln. Dat Water ut dat Rebeed flütt över Gravens na’n Olenbroker Kanaal hen af.
De Naveröörd sünd Müggendörp in’n Noorden, Besenhalm in’n Noordoosten, Oterndörp, Aßel un de Smeelweg in’n Süüdoosten, Süderwisch in’n Süden, dat Oosterenn von Olenbrook in’n Süüdwesten, Bingen in’n Westen un Wehldörp mit’n Hoff Blink in’n Noordwesten.
Historie
[ännern | Bornkood ännern]Von 1919 bet 1935 weer Hermann Beeken Pächter op Hoff Schodenbüttel.
Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is Schodenbüttel an de Stadt Oterndörp kamen.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 115 Lüüd, 23 Hüüs* |
| 1. Dezember 1871[2] | 64 Lüüd, 13 Hüüs |
| 1. Dezember 1885[3] | 68 Lüüd, 15 Hüüs |
| 1. Dezember 1905[4] | 52 Lüüd, 13 Hüüs |
- * tohoop mit Müggendörp
Religion
[ännern | Bornkood ännern]Schodenbüttel is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Schodenbüttel is de freewillige Füürwehr Oterndörp mit tostännig.
Verkehr
[ännern | Bornkood ännern]In de Neegd von Schodenbüttel löppt de Kreisstraat 4 langs, de in’n Westen na Olenbrook geiht un in’n Oosten na Oterndörp. Över beide Öörd kann een na de Bundsstraat 73 kamen, de von Olenbrook in’n Noordwesten na Cuxhoben löppt un von Oterndörp in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so teihn Kilometer in’n Westen von Schodenbüttel an de B 73.
De nächste Bahnhoff is fiev Kilometer wied weg in’n Süüdoosten de Bahnhoff Oterndörp an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut Schodenbüttel gaht na de Grundschool Oterndörp.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 159
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 69