Müggendörp

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Land Hadeln Gemeen: Oterndörp
Inwahners:
Postleettall:	21762
Vörwahl:	04751
Geograafsche Laag:	53° 49′ N, 8° 51′ O

Müggendörp (hoochdüütsch Müggendorf) is en Dörp in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen. De Oort höört al von öllers bi Westerenn Oterndörp mit bi.

Geografie

Müggendörp liggt in de Masch von de Elv, so üm un bi 500 Meter af von’n Stroom. Vör Müggendörp liggt an de Elv dat Glameyer-Stack.

De Naveröörd sünd Besenhalm in’n Oosten, Oterndörp in’n Süüdoosten, Aßel, Smeelweg un Süderwisch in’n Süden un Olenbrook un Wehldörp mit’n Hoff Blink in’n Westen.

Historie

Verwaltungsgeschicht

De Oort hett vör 1852 to Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

1929 sünd Westerenn Oterndörp un Oosterenn Oterndörp Deel von de Stadt Oterndörp worrn.

Inwahnertall

Johr	Inwahners
1848-00-001848	115 Lüüd, 23 Hüüs*
1871-12-011. Dezember 1871	63 Lüüd, 14 Hüüs

* tohoop mit Schodenbüttel

Religion

Müggendörp is evangeelsch-luthersch präägt un höört to dat Kaspel von de Severus-Kark in Oterndörp.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

Dör Müggendörp löppt de Kreisstraat 4, de in’n Westen na Olenbrook geiht un in’n Süüdoosten na Oterndörp an de Bundsstraat 73 ran.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so teihn Kilometer in’n Noordwesten von Müggendörp.

De nächste Bahnhoff is so bi veer Kilometer wied weg in’n Süüdoosten de Bahnhoff Oterndörp an de Nedderelvbahn.