Raiffeisen Werser-Elv
De Raiffeisen Werser-Elv eG is en landweertschopliche Genossenschaft in dat Werser-Elv-Dreeeck. De Seet is in Beers.
De Raiffeisen-Genossenschaft na dat Vörbild von Friedrich Wilhelm Raiffeisen hett 1200 Maten, 200 Mitarbeiders un maakt en Ümsatz von üm un bi 100 Milljonen Euro.[1]
Dat Ünnernehmen hett ölven Standöörd in’n Landkreis Cuxhoben (Cuxhoben, Oterndörp, Spiek, Wannen, Dourm, Niewohl, Steenau, Wehden, Beers un Elm), twee in’n Landkreis Stood (Freeborg un Drochters) un een in’n Landkreis Rodenborg (Alfs).
Blangen dat Hauptgeschäft mit Produkten un Produkschoonsmiddels för de Bueree bedrifft dat Ünnernehmen an twölv Standöörd Huus- un Goornmärkt, an dree Standöörd Bostoffhannels un an twee Standöörd Tankstellen.
Vörsitter von’n Vörstand is Helmut Kunde un Vörsitter von’n Opsichtsraad Klaus Wist (Stand Februar 2016).
Historie[ännern | Bornkood ännern]
De Raiffeisen Werser-Elv eG geiht trügg op en ganze Reeg lüttjere Genossenschaften, de sik över de Tied dör Fusion tohoopdaan hebbt.[2] 1966 sünd de Landweertschopliche In- un Verkoopsgenossenschaften Beers, Flögeln un Meckelst tohoopgahn un hebbt de Raiffeisen Worengenossenschaft Flögeln billt.[2]
Disse Worengenossenschaft is 1970 mit de Landweertschoplichen Bezugs- un Afsatzgenossenschaften Kührst, Lintig un Alfs un de Saatbo Stotel to de Saatbogenossenschaft för den Kreis Wersermünn eGmbH tohoopgahn.[2] Later hett dat Ünnernehmen Raiffeisen Saatbo Wersermünn eG heten un hett över de Tied en Reeg annere Genossenschaften övernahmen.[2] Dat weren 1971 de Landweertschopliche Bezugs- un Afsatzgenossenschaft Sievern, 1972 de Landweertschopliche Bezugs- un Afsatzgenossenschaft Niewohl, 1988 de Raiffeisen Worengenossenschaft Elm, 1995 de Raiffeisen Worengenossenschaft Köhlen, 1997 dat Worengeschäft von de Volksbank Steenau eG un 1997 de Raiffeisen Worengenossenschaft Noordholt.[2]
De Raiffeisen Saatbo Wersermünn eG is in dat Johr 2000 mit de Landweertschopliche Bezugs- un Afsatzgenossenschaft Oterndörp (LABAG) fusioneert un hett denn Raiffeisen Werser-Elv eG heten.[2]
To’n 1. März 2010 hett dat Ünnernehmen ok noch den Bostoffhannel von Stock + Scheper mit de twee Standöörd in Dourm un Wehden övernahmen.[3]
De Standoort Sievern hett in’n Dezember 2012 dichtmaakt un de Standoort Niewohl in’n April 2013.[4] Dor warrt nu blots noch de Tankstell bedreven.[4]
2013 hett de Raiffeisen Werser-Elv trüggwards to’n 1. Juli 2012 de Worengenossenschaft Alfs-Eversdörp övernahmen.[4]
To’n 1. Juli 2018 hett de Raiffeisen Werser-Elv dat Worengeschäft von de Spoor- un Dorlehnskass Böörd Loomst-Heckthusen övernahmen (ünner annern mit’n Raiffeisenmarkt in Loomst, de 1995 inricht worrn is). Düt Geschäft harr toletzt en Ümsatz von 13,5 Milljonen Euro.[5]
Footnoten[ännern | Bornkood ännern]
- ↑ http://www.raiffeisen.com/webedit/rwg-weser-elbe/web/5759
- ↑ a b c d e f Chronik der Raiffeisen Weser-Elbe eG
- ↑ http://images.raiffeisen.com/Raicom/Images/Geno/rwg-weser-elbe/dateien/20100301Heute_Uebernahme.pdf
- ↑ a b c http://images.raiffeisen.com/Raicom/Images/Geno/rwg-weser-elbe1/dateien/20130126_NZ__Fusion_rueckwirkend_besiegelt.pdf
- ↑ Ulrich Rohde: Raiffeisen Elbe-Weser schluckt die Spadaka, Stader Tageblatt an’n 3. April 2018
Weblenken[ännern | Bornkood ännern]
- Websteed von dat Ünnernehmen (hoochdüütsch)