Spoor- un Dorlehnskass Böörd Loomst-Heckthusen

Vun Wikipedia
Zur Navigation springen Zur Suche springen

De Spoor- un Dorlehnskass Böörd Loomst-Heckthusen eG is en Volksbank mit Seet in Loomst. De Bank höört to’n Genossenschaftsverband un hett twee Filialen (in de Öörd Loomst un Heckthusen). Den Vörstand billt Peter Winter un Brunhilde Tiedemann, de Vörsitter von’n Opsichtsraad is Dieter Tiedemann.

De BLZ is 241 628 98 un de BIC GENO DEF1 LAS. De Bilanzsumm weer an’n 31. Dezember 2014 129,5 Milljonen Euro. De Bank hett 49 Mitarbeiders, 11.520 Kunnen un 2285 Maten (Stand Dezember 2014).[1]

Historie[ännern | Bornkood ännern]

1949 hebbt se de Saatbau Börde Lamstedt eGmbH grünnt, de 1959 to de Saatbau- und Kreditgenossenschaft Börde Lamstedt eGmbH worrn is.[2] Den Naam Spoor- un Dorlehnskass Böörd Loomst (Spadaka) hett dat Ünnernehmen denn 1965 kregen.[2]

De landweertschoplichen Bezugs- un Afsatzgenossenschaften Armsdörp un Hollen sünd an’n 30. Juni 1971 mit de Spadaka tohoopgahn.[2] 1975 hett dat Ünnernehmen denn en neet Gebüüd in Loomst in de Lütte Straat boot.[2]

An’n 31. Dezember 1988 is de Bank dör Fusion mit de Spoor- un Dorlehnskass Mittelsnohn tohoopgahn un an’n 31. Dezember 1991 mit de Spoor- un Dorlehnskass Heckthusen.[2]

De Filiaal in Mittelsnohn hett an’n 30. Juni 2017 dichtmaakt.

To’n 1. Juli 2018 hett de Bank ehr Worengeschäft (Hannel mit Woren för de Bueree, Energiehannel un de Raiffeisenmarkt in Loomst) an de Raiffeisen Werser-Elv afgeven. Düt Geschäft harr toletzt en Ümsatz von 13,5 Milljonen Euro.[3]

Footnoten[ännern | Bornkood ännern]

  1. Zahlen & Fakten op sdkinlamstedt.de
  2. a b c d e Drei-Säulen-Struktur. Mit gleich drei Geldinstituten ist die Börde Lamstedt bestens aufgestellt, Niederelbe-Zeitung: 50 Jahre Samtgemeinde Lamstedt an’n 23. Februar 2013
  3. Ulrich Rohde: Raiffeisen Elbe-Weser schluckt die Spadaka, Stader Tageblatt an’n 3. April 2018

Weblenken[ännern | Bornkood ännern]